SAM 148:14 - Cho Bible Common Language 2016

¹⁴ Ani naw a pakhui cu khüighat sak ci, Cun ah kyasei ak chang avan naw m’tam ci gui. Israel chang gui naw ani cu m’hni aih ci gui. Haleluyah!

SAM 148:14 Referans Kwoze

SAM 75:10

Ani naw changshe gui ah huham cu cheiuh khai. Cun ung phi chang düng gui ah huham cu hlüngtai law pi khai nei.

EPHESIAN 2:17

Cun ah kyasei, Khanpughi awn nami ng’shawng te ciah chang khui hei gui la, Khanpughi awn ng’et ci gui ah Jew chang gui, nami van ah ma ah Bawi Khrit cu kium law ne, dimdeeih nak ah Thu Ni cu shäu ne pyein ci.

THULÄÄN NAK 4:7

“A u ni pakhui a i hlawk ah dämduh ci phi Bawipa mi Khanpughi naw ana om püi gui ah mäih ah ami ng’yak hlü sang ung ami khanpughi naw kä et püi gui ci. Ana m’htei gui vai ami khü päng ung ani naw na m’shang gui ci.

1 SAMUEL 2:1

Hannah taigü ci; “Bawipa naw ka m’lung cu yei nak awn be sak ci; Ani ah bi ah phäh ah ka yeikyai aih ci nei! Ka gaa gui cu ka gaih tu gui ci; Ka yei aih ci nei, Khanpughi naw na m’htei sei!

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

THULÄÄN NAK 10:21

Ani cu m’taam vä. Ani cu nami Khanpughi nei. Ani naw nangmi ah hmawk ah abi ah dämduh ne cäicat vai kyak ci gui cu nangmi naw nami mik awn nami hmu pyi ci nei.

SAM 112:9

Ani naw ng’khai ne dukhaih ci gui cu pe taak gui ci, ani ah nibä nak cu kä shum hlawk ci; Ani cu huham ah sei chang m’sui khai gui.

EPHESIAN 2:13

Cun ung phi tuhbäi Bawi Khrit Jesuh ung nami kawng ät pyi ci kia sei, Khanpughi awn nami ng’shawng te ciah nang mi cu, Bawi Khrit a sih nak awn nami ng’et pyi ci nei.

SAM 149:9

Khanpughi ah ang thumkhän ah mäih ah changpakhui gui cu m’kyuk u sä. Shin cu Khanpughi ah chang gui ah näng nak ah kyak ci nei. Haleluyah!

EPHESIAN 2:19

Cun ah kyasei nangmi chang khui hei gui cu, chang heinu, thümnu m’donghman ah kä nami kya ba ci: keimi awn a täng ah Khanpughi ah chang, Khanpughi ah kiong khui chang ah nami kya pyi ci.

LUKA 2:32

Na ng’yak hlü dang sak ciah akdei cu chang hei gui ah hmawk ah ak khang vai la; na chang gui Israel chang gui ah bämang nak a gawk law ah hmawk ah kyak ci” cik ci.

LUKA 1:52

M’gäi ciah ghangpughang gui mangkiang ung kaa yuk chah gui ne, yoken ciah chang gui han chaang gui ci.

JEREMIAH 17:14

Bawipa, na k’pün ä, kei akcang ah ka gai khai nei; na gung ä, kei akbe ah ka phyawng khai nei. Nang cu kei ah ning m’hlüngtai tumat ah na kyak ci nei!

SAM 145:10

Bawipa, na tüipyan avan naw ning m’tam khai nei, Na chang gui van naw ning yei nak khai gui nei.

SAM 92:10

Nang naw kei cu pyawng ah mäih ah na gai sak ne, yeikyai nak hriham na na pek ci.

SAM 89:17

Nang naw m’khüt nak akdäm na pe gui ci, na m’hni nak awn na na näng sak gui ci.

SAM 89:18

O Bawipa, nang naw kami ng’shung nak na na ghü pe gui ci; Nang, Theingcim ciah Israel Khanpughi naw kami ghangpughang na na pe gui ci.