SAM 147:2 - Cho Bible Common Language 2016

² Khanpughi naw Jerusalem mang gaw cu co ba ci; akho hei ah ami k’täm gui cu law püi ba gui ci.

SAM 147:2 Referans Kwoze

ISAIAH 56:8

Lik ciah Bawipa, a chang Israel gui omktu kho ak ka law püi ba gui ci naw, shai tak ci, a hei chang gui phi ngami ung ng’dawn law tuk khai gui ah law püi gui khai.

SAM 51:18

O Khanpughi, Zion mang gaw cu m’gein ne m’hteihtang ä; Jerusalem mang gaw pang cu tah ne thong ba ä.

THULÄÄN NAK 30:3

Bawipa nami Khanpughi naw ning chimgein gui khai. Ani naw a ning püipyang sak nak gui ah chang gui ah khaw ungka naw ning law püi ba gui khai. Cun kawn ah ning bühmang sak ba gui khai.

EZEKIEL 38:8

Khokum akda alüng kawn kei naw ani cu thukbäi ne khopäng tumat ka tuk sak khai. Acun ung changpakhui akda ungka chang gui cu atäng ah law püi ba gui ung, ngami cu ng’tuk kä kyih ne acun ung om ci gui. Ani naw ak shounu shiu ne bung ci, cungphi chang gui ami van phyawng ne ami om nak ah Israel khomhtung gui cu ani naw tuk khai.

JEREMIAH 32:37

Kei naw ka m’lungshe nak la ka nget ngawn nak awn ka püi pyang sak nak gui ah khopäing aran ungka chang gui cu ka k’bum ba gui khai nei. Cun kawn ah kei naw dimdeeih nak awn law püi ba gui ne shin ah khaw ung phyawng ne ka om sak gui khai.

ISAIAH 62:7

Ani naw Jerusalem kä am thawh ba pha ah chuih ngami naw kä ng’düm sak ci gui. Cun kawn ah ani naw mang gaw ah pyang sei, khomdek khan chang van naw m’hlüng tai ci gui.

ISAIAH 14:32

Philistia ah ung ka mikmi ah law ba ciah ng’shä chang gui cu a i hawkcha ah mi shang gui khai aw! Mik mi naw mi m’thein gui vai cu, Bawipa naw Zion cu m’düih pyi ci nei, ani ah yaica ciah achang gui cu a cu ah phyawng gai u sei hmuh gui vai.

JEREMIAH 31:4

Hnü ät mä kei naw ka ning cokyang ba gui mä khai. Hnü ät mä nangmi naw nami thing sheei tum ne yeikyai ne nami ng’lamba mä khai.

ISAIAH 27:13

Cun ah hnüüp a gawk law ung, Assiria la Egypt kho ah amktu ah om tuk ciah Israel gui avan cu khünak ba gui ah k’phyung puuk cu tum vai nei. Ngami cu law u ne, theing ciah m’htung, Jerusalem ung Bawipa cu khawihnah khai gui nei.

NEHEMIAH 7:4

Jerusalem cu mang gaw däm ah kyak ci, cun ung phi akyong ah chang akda kä om ci, im gui phi akda kä cawh pha ah kyak ci.

DANIEL 9:25

Shin cu ngaih na ne hmuhmat vä. Jerusalem cawh ba vai ah thumkhän ah akhin ungka naw Khanpughi naw a ghü ah ang vaihta a law ung khut ciah khokum chih chih vei lüng khai, cun cu kum chukkip-lei goi chih vei khäng khai, cun ung phi cun cu khüikha nak ah khin ah kyak khai.

MATTHE 16:18

Cun ah kyasei nang cu, “Kheng lung,” ah ming ciah “Peter” ah na kyak khai, acun ah kheng lung ah khan ah ka pum im ka k’süm khai, cun cu sihnak naw phi kä näng hlawt khai.

NEHEMIAH 6:15

Elul cha a hnüüp m’ku lei hma nak, ami bi nak a hnüüp hma kip lei goi nak ung mangpang avan cawh ba cu pyi ci gui.

NEHEMIAH 6:16

Kami pei ng’leng pakhui kho gui ung ka, kami ga gui naw acun ah mawng am hteihtang nak awn bii bi ang pyi cu chang nü naw hmat ci gui.

SAM 102:17

Ami nawng ah ak chang gui cu ngai gui ne, ami taigü cu ngaih pe gui khai.

JEREMIAH 31:10

Bawipa naw pyen ci, “Pakhui gui, na ngai vä, kei ah ng’thu gui cu ashou nak khaw yung ah shäu vä. Kei ah ng’thu gui cu ka püi sak gui ci, Cun ung phi ka k’bum ba gui khai, Htoshäm naw htome gui a ngäng ah mäih ah ka ngäng gui khai.

MIKHAH 4:6

Bawipa naw, “Akhin gawk lawk ci nei, ka m’kyuk ah ka chang gui, ka k’bum ba gui khai, ngami cu omktu khaw ah geinvai ci gui.

ZEKHARIAH 8:7

Ka chang gui cu hteh püi ne ami om sak nak gui ah khaw ungka, ka gung gui khai nei.