SAM 147:13 - Cho Bible Common Language 2016

¹³ Ani naw na m’kawt gui cu k’pang ne khän htek sak ne, na chang gui cu hriham pe gui ci.

SAM 147:13 Referans Kwoze

SAM 144:12

Kami hta gui cu ami nong sangung tü m’tam ciah sing ghing ah mäih ah kya u sä. Kami hta hnumi gui cu mangtung ah mäih ah ng’bi lawk ci gui, mang im ah chuktung ah kyak ci.

SAM 125:2

Kho guui gui naw Jerusalem cu ami kyung ah mäih ah, Bawipa naw a chang gui cu tuhbäi ung tün ne, kho ng’län ung kiung gui ci.

NEHEMIAH 12:30

Taigü gui la Levit gui naw ami mät ah phäh, chang gui ah phäh la m’kawt gui, mang gawpaang gui ah phäh ah akcang ah theingthap nak cu bik ci gui.

NEHEMIAH 7:1

Tuhbäi, mangpaang cu cawh ba pyi, shohpaang gui phi avan a hmun ung tha pyi, Taigüim ngäng ci gui, ng’äi theing ciim m’cu ci gui, Levi ahei gui cu ami bi vai m’hnüt bäi pyi ah kyak ci.

NG’ÄI KYAH 4:12

A u naw phi, a hawi ah phi, a khohei khaw uktu gui naw phi, Jerusalem ah m’kawt cu a u naw atuk law ung phi, kä lut law hlawt khai ciah yum ci gui.

SAM 51:18

O Khanpughi, Zion mang gaw cu m’gein ne m’hteihtang ä; Jerusalem mang gaw pang cu tah ne thong ba ä.

NEHEMIAH 7:3

Khongawi täng ah khohni akni ah kä so law pha ah chuih Jerusalem m’kawt cu kä hmawn vai, khohni ahang luh yah ung, gaw ngäng ci gui ah bimawng kä ang pyi pha ung shohcu go ne khai vai, ciah kei naw ka pyen na gui ci. Jerusalem ung om ciah chang gui ung ka, gaw ngäng khai gui tha gui neta, amshah cu m’hnüt nak bä bä ung ngäng sak gui ne, amshah cu ami mät ah im pei yung ah ami ngäng vai ah phi ka pyen na gui ci.

NEHEMIAH 6:1

Keimi naw mangpaang co ba ne pyi u ne, akpawk gui kami nawng a i kä om ci, cun ung phi m’kawt gui ung shohpaang käkami pyan pha ci, cun cu, Sanballat, Tobaih, Keshem la kami ga gui avan naw ng’yak ci gui.

DANIEL 9:25

Shin cu ngaih na ne hmuhmat vä. Jerusalem cawh ba vai ah thumkhän ah akhin ungka naw Khanpughi naw a ghü ah ang vaihta a law ung khut ciah khokum chih chih vei lüng khai, cun cu kum chukkip-lei goi chih vei khäng khai, cun ung phi cun cu khüikha nak ah khin ah kyak khai.

JEREMIAH 33:10

Bawipa naw pyen ci,” Shin ah hmun cu bung puk ah mäih ah kyak ci, chang la khisa a i phi kä om ci. Ngami hman ci gui; Judah khaw ung gawnu gui la Jerusalem ung lam gui cu a ghawng ah kyak ci; cun ung chang la khisa a i phi kä om ci. Cun ung phi shin ah hman ghi ung

JEREMIAH 33:11

Zeikiai nak, hüithaw nak, hta m’um pawi ung yeikyai nak gui nami ng’zaba khai. Chang gui naw m’hlüngtai douthak nak kei ah Taigüim ah law püi ne ng’äi ami m’cu cu nami ng’yak khai; Ngami naw pyen khai gui, ‘M’gäi ciah Bawipa cu m’hlüngtai vä, a i ah kyasei ci ung ani cu nik ci, am hni nak cu ng’langtäi ci.’ Kei naw shin ah khaw cu a cau kaa ah mäih ah bühmang khai ah ka pyang khai, kei, Bawipa naw ka pyen nei.