SAM 147:11 - Cho Bible Common Language 2016

¹¹ Ani ah lünlawi nak cu, ani m’tamkhah ciah chang la ng’täi ciah am’hni nak ung yum htek ciah chang gui ah kyak ci.

SAM 147:11 Referans Kwoze

SAM 33:18

Ani ngai ci la ng’täi ciah am hni nak ung ng’ap cicu Bawipa naw ngäng ci.

ZEPHANIAH 3:17

Bawipa na Khanpughi naw ning om püi ci nei; A huham naw näng nak ning pek khai. Bawipa cu nang ung yeikyai ne, amhni nak awn ghin nak akthai ning pek khai, Ani cu nang ah khan ah yei ne ng’äi m’cu khai.

SAM 149:4

Bawipa cu ak chang gui ung lünlawi ci; M’lung neim ci gui cu näng nak awn m’tam gui ci.

ISAIAH 62:4

“Ami nawng nei” cine a u naw kän ng’khü ba khai. Mi khaw phi “Nawng ah Chu nei” cine a u naw kä khü ba khai. Nang ah na ming thai cu, “Khanpughi naw a zei nak nei” ciah kyak ci. Nami khaw cu, “zeikiai nak awn ng’chula ci” cine khü khai gui. A i ah kyasei ci ung Bawipa naw nangmi cu ning yei na gui ci, ani cu nami khaw ah cei ah mäih ah kyak ci.

SAM 33:22

Bawipa, nam hni nak cu keimi ung om sä, Nang cu kami ning ngaih u ci nei.

SAM 35:27

Kei na hmuh hlük ciah chang gui naw kei cu nak bün u ne, Ng’leng leng ne yei ne m’lau ne, “Bawipa cu hlüng tai aih ci nei, Ak changshäm gui ah näng ah hmawk ah ani cu yei kyai ci nei” cik ci gui.

NG'THU K'THUUK~ 31:30

M’däk nak cu lam hma nak ah kyak ci, kyom nak cu ng’kawn khai, cun ung phi Bawipa m’tamkhah ciah hnumi cu m’hlüngtai nak om khai.

NG'THU K'THUUK~ 11:20

Akshe ah m’lung ngai ciah chang cu Bawipa naw thüi nak ci, Cun ung phi a hman bik cicu m’hni ci.

1 PETER 1:17

Chang ah yodäm kä teng ah, chang ah bilawh phäh phäh ah khan ah m’khoichaa nak bik ciah, Khanpughi ah nami taigü ung, Kapa ci ne khü ne nami taigü ci; cun ah kyasei khomdek khan ung nami ghin om yah ak chuih Khanpughi cu nami kyih aa vai nei.

1 PETER 1:13

Cun ah kyasei nangmi cu ng’düihthawh ge vai ah om vä. Bawi Jesuh a kyum law ba hnüüp anam shum phyuk gui vai cu kümbe sei ngaih u ne lunglaang ne om vä.

1 PETER 3:4

nami m’lung kyong ung akcang ah ng’awi ng’gi nak la hniphnoi nak cu om sä, cun cu Khanpughi ah ma ah ak küikyang ah kyak ci nei.

KHEI NAK 14:8

Bawipa cu mikmi ung a yei ah a kyak ung, Ani naw acu ah na hteh püi gui khai nei. Bühmang ne ang lei nik ciah cun ah khaw cu na pe gui khai nei.