SAM 146:4 - Cho Bible Common Language 2016

⁴ Ngami ami sih ung khomdek ung hteit ba ci gui Cun ah hnüp ung ami pawng püi avan cu düt ci.

SAM 146:4 Referans Kwoze

THUSHÄUTU 12:7

Mi pumsa cu m’dek ung m’vut ah hteit ba khai, ghin nak hnun cu acun na pe gui te ciah Khanpughi ah hteit ba khai.

SAM 104:29

Nang naw na ng’hlah taak gui ung ngami cu kyik ci gui; Nang naw ng’ghi nak na laak ung ngami cu sik ci gui, ami ng’tüi nak te ah m’vut ung hteit ba ci gui.

ATÜNNAK 2:7

Cun kawn ah Bawipa Khanpughi naw m’dek cu la ne chang ah pyang neta, a hngakhawng hnun ghin nak cu yuk muut khäta, ani cu chang ghing ah kya lawk ci.

ATÜNNAK 3:19

Nang cu na ng’tüi law nak ah khomdek ung kä na hteh ba pha ah chuih na m’hutui long sei bii bi ne na ei khai. Nang cu m’dek khui ungka na ng’tüi lawk ci kyasei, m’dek khui ung na hteit ba khai” cine pyen nak ci.

1 KORIN 2:6

Cun ung phi kei naw cüivai nak ah ng’thu cu mümcha ng’bühbei pyi ci gui ah maa ah ka pyein ci. Cun ah cüivai nak cu khodek khan awn kä ng’phaa ci, khodek khan bawi gui ah hlüngtai nak awn phi kä ng’phaa ci, khodek khan bawi gui ah hlüngtai nak cu ken law pipi ci nei.

SAM 33:10

Bawipa naw changpakhui gui ah tängpang cu haih ci; ami pawng püi gui phi m’hlat yawp ci.

JOB 27:3

Khanpughi naw ng’ghi nak ana peit ah chuih,

JOB 17:11

Ka hnüüp gui cu ng’pyi lawk ci, ka k’bäi gui cu shum ci, ka ngaih u phi ng’pyi ci nei.

JOB 14:21

Kami hta gui cu m’hlüngtai nak gah u sei, cun ung phi kä kami hmat khai, Ngami ami thüisei ah a kyak ungphi keimi am kä na m’thein ci gui.

DANIEL 5:23

Nang naw khankho Bawipa hnung tuk püi ne, ani ah Taigüim ungka khap gui la khawk gui na law püi ci. Nang, na bawi ng’vai gui, na chu gui la na chuba gui naw a cun gui ung sapyit tui aw u ne, ghui, nui, kyei, m’sii, sing la lung awn ami pyan ah khanpughi gui cu m’hlüngtai ci gui — Cun ah khanpughi gui cu a i kä hmuk ci, a i kä ng’yak ci, a i phi kä hmat ciah kyak ci. Cun ung phi nang ah na ghin nak vai la na sih nak vai, m’hnüt bäi hning ne, na bi phung shum ciah Khanpughi cu kä na m’tamkhah ci.

NG’ÄI KYAH 4:20

Ngami naw mi ghin nak ah a phung cu khäm ci gui. Bawipa naw aghü ah ghangpughang, ani cu na tu law gui phung ung na shungvong gui khai ah mi ng’ap nak ah kyak ci.

ISAIAH 2:22

Si thei ciah chang kä nami ngaih u ba vai. Ngami naw a i phu na u ne ang?

SAM 90:3

Chang cu zan ä akyak te ah akyak ba vai ah nang naw na pyen ci; m’vut khui ah na ng’plouh ba sak ci.

JOB 17:1

Ka ghin nak ang pyi vai ng’et lawk ci nei. Ak ni ah kä ka ng’ghi ba hlawt ci nei; Kei ah phäh ah a i kä k’pwih ba ci, ng’cim hmun bang nei om ba ci.

JOB 14:10

Cun ung phi chang cu a sih ah a kyak ung cun cu a khüt nak ah kyak ci nei. Ani a sih ah a kyak ung cun kawn ah a hawi om khai ang?

ATÜNNAK 6:17

Khomdek khan ung ak ghing avan k’biing ne m’ciin khai ah tuiyiin ka mü sak khai. Khomdek khan ung hang om ci phung avan si yawp khai.

THUSHÄUTU 9:6

Ami m’hni nak, ami ng’gen nak, ami m’lung nak, avan cu ngami awn atäng ah sik ci. Ngami cu shin ah khomdek khan ung kya lawk ciah a i ung phi kä ng’päng tuba khai gui.