SAM 146:3 - Cho Bible Common Language 2016

³ Hnicim chang bawi cu kä nami ngaih u vai; hnicim chang naw kä ning hun gui hlawt khai.

SAM 146:3 Referans Kwoze

ISAIAH 2:22

Si thei ciah chang kä nami ngaih u ba vai. Ngami naw a i phu na u ne ang?

SAM 108:12

Ga m’khüt nak vai ah na m’htei gui ä; hnicim chang ah m’hteihtang cu a kholä nei.

ISAIAH 37:6

Shin ah m’shang ne m’khäh law ba ci: “Bawipa naw ning m’theing gui ci nei, ani naw kä hing hun gui khai nei, cine ami pyen ah phäh ah Israel gui kä nami kyih en gui vai nei.

ISAIAH 31:3

Egypt gui cu khanpughi ah kä kyak ci gui-hnicim chang ah kyak ci gui. Ami ng’se gui cu khaw ah kä kyak ci gui. Bawipa a hnün thawh law ah a kyak ung thamah ciah pakhui cu khui ne ng’deng khai, thaken ci, ami m’htei htang cu kyu ne ng’täng khai. Ani nik hnih cu di khai goi.

SAM 62:9

Chang avan cu mei khu ah mäih ah kyak ci gui. Akzaw akdäm avan cu a kholä ah kyak ci. Ngami cu khin gui ung phi kä gih ci gui; Ngami cu khokhi ah yaang tu ba ci gui.

SAM 60:11

Gaa näng vai ah na m’htei gui ä; Chang ah m’htei htang cu a kho lä ah kyak ci nei.

2 GHANGPUGHANG GUI 6:27

Ani naw m’shang ne, “Bawipa naw kä a ning m’htei ah a kyak ung, kei naw a i ka ning pe hning khai aw? Htang den baw, sapyit tui baw kei api om ne ang?

2 SHONTÄP NAK 16:7

Cun yah ung prophet Hanani naw ghangpughang Asa ah hteit neta a pyen nak cu,” Nang naw Bawipa na Khanpughi na ng’ge ng’pai nak vaisü nak ung Siria ghangpughang na ng’ge ng’pai püi ah kya ne, Israel ghangpughang gakap cu phyawn pyi ci nei.

ISAIAH 22:25

Cun ah a kyak law ung, htek ciah sing hmui cu längbang law ne kiuk khai. Cun cu a cun ung bah gui nü ah ang pyi nak ah kyak khai.” Ci ne Bawipa naw pyen ci.