SAM 145:5 - Cho Bible Common Language 2016

⁵ Ngami naw na bämang nak la na chünla nak cu pyen khai gui nei, cäicat vai ah na bi lawh gui ung ka m’lung htek khai nei.

SAM 145:5 Referans Kwoze

ISAIAH 12:4

Chang gui naw ng’äi ami mku nak vaiah hnüüp cu gawk lawk ci nei. “Bawipa cu m’hlüngtai vä! Na m’htei gui khai ah ani cu khü vä! Ani naw abilawh gui cu chang pakhui avan am m’thein vai! Ani a i hlawk ah a dämduh cu m’thein gui vä!

SAM 119:27

Na thukhän hmuhmat nak vai ah na m’htei ä, cäicat vai ah na m’theingthang gui cu ka ngaih nak khai nei.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

SAM 105:2

Bawipa m’taam ne ng’äi vä; cäicat vai a bi gui cu pyen vä.

SAM 72:18

Israel Khanpughi, Bawipa cu m’taam vä! Ani bäng naw cäicat vai gui cu bi hning ci nei.

SAM 71:24

Ak hnüüp pum ung, na düng nak cu ka pyen khai, a i ah kyasei ci ung, kei na hnim hlük ciah chang gui cu shum u ne, thui ng’a ci gui nei.

SAM 96:3

Abäimang nak cu pakhui van am m’thein ne, m’gäi ne a hnün thawh nak cu chang van ung ng’shäu vä.

ATÜNNAK 24:63

Ani cu mühun ah lai ung hteit shüi neta kalauk gui law u sei hmuk ci.

THULÄÄN NAK 32:3

Kei naw Bawipa ah ming ka m’hlüngtai khai, a chang gui naw ani ah dämduh nak cu pyen khai gui.

1 SHONTÄP NAK 16:9

Bawipa cu ng’äi ne m’hlüngtai vä; Ani naw cäicat vai abi gui cu chang gui am m’thein vä.

SAM 111:3

Ani ah bi phung cu m’tamkhah nak la hlüngtai nak awn be ci; ang düng nak cu ng’täi ci.