SAM 145:1 - Cho Bible Common Language 2016

¹ Ka Khanpughi la ghangpughang, na dämduh nak ah mawng cu ka ng’shäu khai nei; kho ng’län ung ka ning m’hlüngtai khai nei.

SAM 145:1 Referans Kwoze

SAM 45:6

Khanpughi ah ning pek ah uk nak kho cu a ngawi ah phi kä ng’pyi hlawt khai nei. Nang naw na chang gui cu taga nak awn na uk gui ci

SAM 30:12

Cun ah kyasei, kei cu kä ka dim düt khai; Kei naw ng’äi awn ka ning m’taam khai. Bawipa, nang cu ka ning Khanpughi nei, kei naw angtäi sei ka ning yei nak khai nei.

SAM 34:1

Kei naw angtäi sei Bawipa ka yei nak khai nei; kä düm phung ne ka m’taam khai nei.

MATTHE 25:34

Cun kawn ah ghangpughang naw akpat lam ah om ciah chang gui-am, ‘Law vä, Kapa ah phyutheh nak nami gah ciah chang gui, khomdek a tüi pyan ung tün ne nangmi ah hmawk ah a pyan ah uknak kho ung om vä.

ISAIAH 33:22

Cun ah htinpaw ung gui gui avan cu akholä ah kyak ci; yih dung gui cu kä ng’phiaat hlawt ci! Mikmi naw ga gui ah khawhcham avan cu mi gut khai, cun gui cu da aih sei, shumng’kem ci gui naw phi gah tuk khai gui Bawipa amät cu mi ghangpughang ah kyak khai; ani naw mikhan ah na uk gui ne, na shungvong gui khai.

SAM 45:1

Thu kyom gui ka m’lung ung be ci, Shin ah ng’äi cu ghangpughang-am ka guk nei. Ca akni ah gu thei ciah guk nak ah mäih ah, ka m’gawng m’lei cu kyasei ng’äi awm om ci.

SAM 44:4

Nang cu ka ghangpughang la ka Khanpughi ah na kyak ci, Nang naw na chang gui-am näng nak na pek ci.

SAM 30:1

Bawipa, na na hun ah hmawk la ka gaa gui naw kä ami na gaih tu vai ah na hteh püi ä, ka ning m’taam ci nei.

THU PHLAAN 19:16

Ani ah asuinu la a phei khaw ung, “Bawi nüng ah Bawi, mang nüng ah Mang” ciah ming cu ng’guk ci nei.

MALAKHI 1:14

Ana pek vai ah a shaitak ah htome akni om lang sei, shekhak ciah ak ghing awn na khawihnah lawk ciah chang ah khan ah plah tam nak om sä! Kei cu küikyang ciah ghangpughang ah ka kyak ci, chang pakhui avan naw kei cu na kyih aa ci nei” cik ci.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

SAM 149:2

Nami ng’tüibawi ah hmawk ah Israel chang gui yei vä; Nami ghangpughang ah hmawk ah Zion chang gui yei vä;

SAM 145:21

Bawipa cu angtäi sei ka m’tam khai; A tüisho avan naw ani ah ming theing cu kho ng’län ung m’tam khah vä.

SAM 100:1

Khomdek chang avan naw Bawip ah ng’äi m’cu vä!

SAM 95:3

Bawipa cu m’gäi ciah Khanpughi, khanpughi gui avan ah khan ah m’gäi ciah ghangpughang nei.

SAM 68:4

Khanpughi am ng’äi m’cu vä, ng’äi ne aming m’taam vä; Ani ah hmawk ah lam pyang vä, ani cu ng’mei ung ng’cum ci nei. Aming cu Bawipa nei, ani ah ma ah yeikyai vä!

SAM 52:9

Khanpughi, na bi lawh gui ah hmawk ah kei naw angtäi sei ka ning yei nak khai nei; Nang ah na ni nak ah mawng cu na chang gui ah ma ah ka ng’shäu khai nei.

SAM 5:2

Na na m’htei vai ah ka kyah cu na ngaih pe ä, Ka Khanpughi la ghangpughang! Nang ah ka taigü ci, O Bawipa;

1 SHONTÄP NAK 29:13

Tuhbäi, kami Khanpughi, nang ning yei na u ne, bämang ciah na ng’ming cu kami m’tam ci.

SAM 5:3

Kho ngawi hta ung ka k’aw cu na na ng’yak pek ci; Kho hni pyü ung taigü ne ng’ap ne, Na na m’shan cu ka ging ci nei.

SAM 30:2

O Bawipa, ka Khanpughi, Na nam htei vai ah kyap ne ka ning yoi ci nei, nang naw na nam gai ci,

SAM 75:9

Cun ung phi kei cu kä ng’düm ne, Jakob ah Khanpughi cu ng’thu püi ne ng’äi ne kam hlüng tai khai.

SAM 96:2

Bawipa am ng’äi m’cu vä, ani cu m’taam vä! Ana hun nak gui ah mawng thu ni cu ak hnüüp tä sei ng’shäu vä.

SAM 118:28

Nang cu ka ning Khanpughi nei, ka ning yei nak ci nei; Na dämduh nak ah mawng cu ka ng’shäu khai nei.

SAM 146:2

Kei ka ghin ah chuih Bawipa cu ka m’tam khai nei; ka ghin nak avan ung ka Khanpughi ah ng’äi ka m’cu khai nei.

ISAIAH 38:20

Bawipa, nang naw na na gai sak pyi ci nei. Keimi naw tingtäng tum ne, ning m’tam nak ngäi kami m’cu khai nei. Keimi kami ghinah chuih, na Taigüim ung Ning m’tam nak ngäi kami m’cu khai nei.