SAM 143:8 - Cho Bible Common Language 2016

⁸ Nang ung ka zumhtek vai ah hmawk ah kho ngawi tä sei, ng’täi ciah na m’hni nak cu na m’thein ä. Ka taigü nak cu nang ah gawk ci nei; ka hteh nak vai ah lam cu na m’hnuh ä.

SAM 143:8 Referans Kwoze

ISAIAH 48:17

Israel gui ah theingcim ciah khanpughi, Ning hun gui ciah Bawipa naw pyen ci; “Kei cu Bawipa nami na khanpughi nei. Kei naw nami ni nak vai ning m’thei thang gui ne, nami hteh nak vai lam ka ning m’shüm gui hlük ci nei.

SAM 46:5

Khanpughi cu cun ah mang gaw ung om ci, cun ah gaw cu kä di phung khai; kho ngawi hta ung, ani naw law ne m’htei gui khai.

SAM 32:8

Bawipa naw, “Na hteh nak vai ah lam ka ning m’thei khai; ka ning m’thein khai, ka ning m’hnuh khai.

ISAIAH 30:21

Nangmi cu lam hma u ne k’eng täng ni mä, k’pat täng ni mä nami ci law ah a kyak ung, nangmi naw nai hnu ah ani ak’aw nami ng’yak khai, “lam shin ung nei. Shin ung hteit vä” cik khai nei.

SAM 59:16

Cun ung phi kei naw na thagui ah mawng ng’äi kam’cu khai; A ngawi tä sei nam hni nak ah mawng m’lau ne ka ng’äi khai. Nang cu ka ning shung nak, khüikha yah ung ka ning yii nak ah na kyak ci.

SAM 143:10

Nang cu ka ning Khanpughi nei; na ng’yak hlü bi vai ah na m’htei ä. Kei ung ni ne, phyawn nak ah lam cu na m’shüm ä.

SAM 27:11

Bawipa, na ng’yak hlü ka bi vai ah, nam thei ä, phyawn nak ah lam düng na m’shüm ä. Kei cu ka gaa da aih ci nei.

SAM 90:14

Kho ngawi tä sei, ng’täi ciah na m’hni nak awn na k’be gui ä, cun ung keimi cu ng’äi m’cu ne kami ghin kho ng’län ung kami yei khai.

NG’ÄI KYAH 3:41

Mikmi naw khankho Khanpughi ah mi m’lung cu mi hmawng neta, mi taigü khai nei.

SAM 86:4

O Bawipa, na changshäm cu yei sak ä, A i ah kyasei ci ung kei ah taigü cu nang ah gawk ci nei.

SAM 30:5

A m’lung she nak cu a shäng hta ah kya ci, ani nak cu ghin ah chuih khäng ci. Mü ah ng’phli tui li ci, cun ung phi kho ngawi ah yeikyai nak gawk law ba ci.

SAM 119:34

Na thukhän cu kei am na m’thein ä, kei naw ka läk khai nei. Ka m’lung avan awn ka shüm khai nei.

SAM 119:73

Nang naw na tüisho ne, phyawn vai ah na na shung ci; Hmuhmat nak na peä, cun ung na thukhän cu ka ng’thei thei khai.

SAM 42:8

Bawipa naw kho hnüüp yah ung ng’täi ciah am hni nak cu m’dang khai nei, Cun ah kyasei kei naw mü ah ng’äi ka m’cu khai, ka ghin nak ah Khanpughi ah ka taigü khai.

SAM 5:8

Bawipa, kei cu ka ga da aih aih ci nei! Na ng’yak hlü ka bi vai ah lam na m’shüm ä; Ka ning läk vai ah na lam na pyan pe ä.

HOSEA 6:3

Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”

SUKI GUI 13:12

Cun kawn ah Manoah naw, “Na pyen cu a bä law ah a kyak ung, a hmaw naw a i bik khai ang? A i cha ah ghin om püi vai ang? cine ng’shik ci.

1 SAMUEL 23:12

David naw ng’shi ba ci, “Keilah chang gui naw kei la ka chang gui cu Saul ah kut ung na ap khai gui ang?” Bawipa naw, “Ning ap khai gui nei” cik ci.

SAM 25:20

Na shungvong ä, na hun ä, shedam nak ung na gung ä. Nang ah phyawng ne ka lawk khai nei.