SAM 143:12 - Cho Bible Common Language 2016

¹² Kei na na m’hni nak awn, ka ga gui cu ngawn gui ä, Na shedam nak ci gui avan cu m’di gui ä, kei cu na changshäm ah ka kyak ci nei.

SAM 143:12 Referans Kwoze

SAM 54:5

Khanpughi naw ka gaa gui cu ami mät ah katnak awn m’di gui sä. Ani cu bekhüt ci kya ne, ani naw m’di gui khai nei.

SAM 116:16

Bawipa, kei cu na changshäm ah ka kyak ci nei; kanu ah bi ah mäih ah kei naw na bi ka bik ci nei. Nang naw sih nak ungka na na hun pyi ci nei.

SAM 119:94

Kei cu na na chang nei — na hun ä! Kei naw na thumkhän cu läk vai ah ka tha nak ci nei.

SAM 55:23

O Khanpughi, cun ung phi nang naw, Chang ngawn ci gui la m’gu hleei ci gui cu, ng’cim hmun ung na hteh sak gui khai, ngami cu kä chang cawih khai gui. Cun ung phi kei läi cu nang ka ning ngaih u khai nei.

SAM 52:5

Cun ah kyasei nang cu Khanpughi naw ning m’shet lä khai; Nang cu ning pang ne na im ung ka ning täm ne, A hnun ghing ah om nak ah kho ung ka ning k’plon khai.

1 SAMUEL 26:10

David naw, “Ghing ciah Bawipa ung kei naw ka hmat ci, Bawipa amät naw Saul cu ngawn khai, akhin gawk law sei a sih vai ah baw, ng’tuk nak ung asih vai ah baw cik khai.

1 SAMUEL 25:29

Chang tumat mat naw, ning tu ne, a ning ngawn hlü ah a kyak ung, chang naw a khawh ni a ngäng ah mäih ah Bawipa na Khanpughi naw ning phyawn khai. Na ga gui läi cu, chang naw yaili ung lung a kah ah mäih ah Bawipa naw k’täm ne gawt gui khai.

SAM 54:7

Ka khüikha nak avan ung na gung ci sei, ka gaa gui ah di cu ka hmu yawp ci nei.