SAM 143:11 - Cho Bible Common Language 2016

¹¹ “Bawipa, na shaitak ah mäih ah na gung ä; Na ni nak awn ka khüikha nak cu na hun ä!

SAM 143:11 Referans Kwoze

SAM 31:1

Bawipa, na na shungvong vai ah nang ah ka lawk ci nei; Kä na di maih sak phung en ä. Nang cu düng ciah Khanpughi nei; ka taigü ci, na hun ä!

SAM 119:25

Kei cu m’vut khui ung di ne ka ng’zän ci nei; na shaitak ah mäih ah na m’tho vä.

SAM 119:37

A kholä maih ah kyak ci ma nak ungka, na k’pang ne; Na shaitak ah mäih ah na ni kyom püi ä.

SAM 71:2

Nang cu na düng ci kyasei, Na m’htei ne na gung ä, ka thu ngai ne na hun ä!

HABAKKUK 3:2

O Bawipa, na bi cu ng’ya ne, kei cu kyih aa nak awn ka be ci nei, tuhbäi bi law ba ä keimi ah khin ung, dämduh ciah hnünthawh na bilawh man cu. Na m’lungshe ung phi na chimgein gui ä.

SAM 138:7

Kei cu khüikhai nak naw ana ng’vong yah ung, nang naw na na k’phyawn ci. M’lungshe ciah ka ga gui cu nang naw hnu ng’tuk püi gui ne na huham awn na na hun ci.

SAM 119:88

Ng’täi ciah na m’hni nak cu kei ah khan ah bä ci nei, Cun ah kyasei kei naw na thukhän gui cu ka läk khai nei.

SAM 85:6

Na k’thamah ba sak gui ä, keimi, na na chang gui naw kami ning m’taam khai nei.

SAM 34:19

Changniung khüikha nak akda gawk thei ci, cun ung phi Bawipa naw avan ung hun phyawn ci;

SAM 25:11

Bawipa, na shaitak m’khän ä, Ka cheishoh nak nam gein ä, ngami cu da ci gui nei.

SAM 143:1

Bawipa, ka taigü na ng’yak peä! Na düng nak ung ka ng’pa nak cu na ngaih peä; Na bekhüt nak awn na m’shang ä!

SAM 119:107

Bawipa, ka geinvai nak gui cu akcang ah tä aih ci nei; Na shaitak ah mäih ah na ghin sak ä.

SAM 119:40

Na thumkhän gui cu ka läk hlük ci nei; Ghin nak akthai na pe ä, nang cu na ng’düng ci nei.

SAM 25:17

Ka ng’ä ai nak gui ung kaa, na hüi sak ne, ka cümbawng nak gui ung ka nak phyawn ä.