SAM 142:6 - Cho Bible Common Language 2016

⁶ Na na m’htei vai ah ka kyah cu na ngai ä; Kei cu ng’zom ne ka ng’neim ci nei. Ka ga gui ah kut ung na hun ä, ngami cu gai aih ci gui nei.

SAM 142:6 Referans Kwoze

SAM 79:8

Kami pupa gui ah kat ah hmawk ah kä na m’kyuk en gui ä. Tuhbäi nak chimgein gui ä; kami ngaih u nak maih yawp ci nei.

SAM 116:6

Bawipa naw geinvai cicu shungvong ci; kei ka khüikha yah ung, ani naw na hun ci.

SAM 136:23

Mikmi ami na tukthah gui yah ung ani naw kä m’hnih gui ci; Ani ah m’hni nak cu ng’täi ci nei;

SAM 17:1

O Bawipa, düng ci lam ah om ne, ka ng’hui cu na ngaih peä; Ka kyah nak cu na dou pe ne, na m’htei ä! Düngnak awn ka taigü cu na ngaih peä.

ROMAN 8:37

Kä ng’chaa bäng ah kä kyak ciah, acun ah mawng gui avan awn ng’aut law nak ung, mikmi nam hni gui ciah Bawipa naw khüt sei, näng nak cu mi gah ci.

ROMAN 8:33

Khanpughi naw a ghü ah chang gui cu a u naw m’kat gui khai ang! Ngahmi ung katnak kä om ciah Khanpughi amät naw m’dang pyi ci nei.

SAM 143:7

Bawipa, Tuhbäi na m’shang ä! Ka ngaih u nak avan maih ci nei. Kä na ng’thuh en tau ä, Sihnak ah kho ah hteit ci gui ah ng’lung ah kei cu ka hteit khai kyak ci nei.

SAM 59:3

Teng vä! Ngami naw na ngawn vai ne, na ngäng ci gui nei; chang gat gui cu ng’bum ne na hnu ng’tuk püi ci gui nei. Cun cu kei naw hma katnak ka bi ah hmawk ah kä kyak ci nei,

SAM 38:19

Ka gaa gui cu gai u ne, tha mah ci gui; Amawng kä om ciah na gen ciah chang gui cu da ci gui nei.

SAM 18:17

Huham ah ciah gaa gui la kä m’khüt vai ah na gen ci gui ah kut ung ka, Ani naw na hun ci.

SAM 3:1

Bawipa, ka ga da aih ci nei, Kei na hnu ng’tuk püi cicu da ci nei!

1 SAMUEL 24:14

Teng vä, Israel ghangpughang naw chang ngawn vai ah k’tha nak ci nei! Teng vä, a i ang a gawt! ui k’si ang, ui ng’hli ang!

SAM 143:3

Ka ga naw na yäi ne ang müi ah na m’di ci nei. Ani naw mü hmüp thawng ung na chum sei, cau pui sik ciah mäih ah ka kyak ci nei.

SAM 27:13

A shui ah ka ghin yah ung Bawipa ah ni nak hmuh vai ah ka ghing khai ciah ka hmat ci nei.

SAM 46:2

Cun ah kyasei, shihpi thüng ne, khomhtung gui pyawn ne tuinu ah ang dawn ung phi, mikmi ung kyih nak kä om khai nei;

SAM 91:2

Ng’thu a pyen vai cu, “Nang cu ka ng’yii nak la na shung vong ciah na kyak ci. Nang cu ka Khanpughi; nang ung kei ka ng’ap ci,” ciah kyak ci.