SAM 142:1 - Cho Bible Common Language 2016

¹ A na m’htei vai ah Bawipa cu ka khü ci nei; Ani ka ng’pa nak ci nei.

SAM 142:1 Referans Kwoze

SAM 57:1

Kei cu na m’gein ä, Khanpughi, na m’gein ä, phyawn nak gah vai ah ka lawk ci nei. Pui khokhi kä a ng’düm pha ah chuih na ng’phya hnim ka ah ka ng’yii ci nei.

SAM 30:8

Bawipa, ka ning khü ci; Na nam htei vai ah ka ning hui nak ci:

SAM 141:1

Bawipa, ka ning khü ci, tuhbäi na m’htei ä! Ka ning khü ung na ngaih pe ä.

1 SHONTÄP NAK 4:10

Cun ung phi Jabez cu Israel Khanpughi ah taigü ci, Khanpughi aw, hriham na peä, khaw akda na peä. Kei cu a täng ah na om püi ne, na natsak khai ah akshe phung ungka na shung vong ä. Ani ah ak taigü cu Khanpughi naw ngaih pek ci.

SAM 54:1

O Khanpughi, na huham awn nak phyawn ä; na m’gäi nak awn na m’hlawt ä!

SAM 32:1

A katnak m’geinsei nak om ci la, a cheishoh ng’yu ba ciah chang cu yeikyai nak om ci.

SAM 28:2

Na nam htei vai ah ka m’lau ung, Na pum im theing lam ah ka kut ka k’shäng ung, na ngaih pe ä.

1 SAMUEL 24:3

Ani cu lam ah ng’leng hto im gui ah pei ah khui ung hteit ne ng’now phyam ci. A cun ah khui ah vangtäng ung David la a chang gui cu ng’thup ci gui.

HEBRU 11:38

Khomdek khan cu ngami ah hmawk ah kä bä ci nei! Ngami cu khokhäu, kiang maa la kho m’htung yung ah geinvai chang ah mäih ah hteit shüi shüi u ne, lung khui m’dek khui ung va om vük ci gui.

1 SAMUEL 24:4

Ngami naw ani am, “Shin cu nang ah phäh ah kyak ci! Na ga cu na huham kyang ah tha khai ah Bawipa naw ning m’thein pyi ci, cun ah kyasei nang naw ani ah khan ah na bi hlü na bi hning ci.” David cu ng’vak ne hteit neta, Saul naw kä a hmat ah a suinu cu at ne hteh püi ci.