SAM 141:5 - Cho Bible Common Language 2016

⁵ Changni naw kei cu na m’kyuk sä, m’gein nak awn na m’cäi sä, cun ung phi changshe ah m’taam nak cu kä ka dou phung khai nei. A i ah kyasei ci ung ngami naw akshe ami bi gui cu, kei naw angtäi sei hnu ng’tuk püi ne ka taigü ci nei.

SAM 141:5 Referans Kwoze

THUSHÄUTU 7:5

Cüivai ciah chang ah m’cäi m’ä nak cu, chang gu k’taak ah m’hlüngtai nak ah ta bä pi ci.

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

KALATIAN 6:1

Ka Phäi nau gui aw, chang tumat cu a cheishoh ah a kyak ung, Mumcha k’thamah nak om ci gui naw, m’cäi ne nami ng’düng ba sak vai. Cun cu om ni nak awn nami bi vai. Nami mät phi tüihtok nak ung kä nami gawk vai ah nami geing nak vai.

NG'THU K'THUUK~ 25:12

Ngai yak hlü ciah chang am hmuhmat nak om ciah chang ah pek ah m’shümthein nak cu, ghui kutcüp, kä ung, ghui akni awn pyan ah cünglung ngamä a phu küi pi ci.

NG'THU K'THUUK~ 19:25

Chang omshe cu m’kyuk vai. Cun ung ba tuba ci. Ka hmat ciah chang naw ng’thei nak khai. Nang cu na cuivai ah a kyak ung ami ning m’shum thei ung na ng’thei thei khai.

NG'THU K'THUUK~ 15:5

Apa ah m’thei hnu nak cicu chang gu ang ah kyak ci. Apa ah m’shumthein dou cicu cuivai ciah kyak ci.

2 SHONTÄP NAK 25:16

Amaziah naw ng’thu ba pah ne, “Keimi naw nang cu ghangpughang na m’cäi m’ä khai ah kami ning tha ne ang? Kä chiu ba ne om ä, kä cung ka ning ngawn lawk khai nei!” cik ci. Prophet naw shin ah pyen neta, kä chiu ba ne om ci. “Tuhbäi kei naw ka hmat ci, Khanpughi naw nang ning m’di khai ah k’bäi pyi ci, a i ah kyasei ci ung nang naw shin gui bi ne, kei ah m’cäi ä nak a i ah kä na ngaih ah phäh ah kyak ci.”

NG'THU K'THUUK~ 6:23

Ngami ah m’shüm thein nak cu ng’shü ne dei ci: ami m’shung m’düng nak naw a i cha ah ghin vai cu ning m’thei ci.

SAM 125:4

Bawipa, changni gui la na thumkhän läk ci gui ah khan ah akni cu yuk bi law ä.

SAM 51:18

O Khanpughi, Zion mang gaw cu m’gein ne m’hteihtang ä; Jerusalem mang gaw pang cu tah ne thong ba ä.

SAM 23:5

Ka gaa gui ah hmuh vai ah, nang naw mang ei na na chaam ci; Nang naw chang m’sui ne, khin ah na na dou ci, ka khap phi pleip khai ah na na k’be ci.

MATTHE 5:44

Cun ung phi nami gaa nami m’hni vai, ning shedam nah gui ci nami taigü peit vai, ciah kei naw ka pyein ci.

NG'THU K'THUUK~ 15:22

M’cäi ä nak avan dou ci naw näng nak gah ci, kä dou cicu shum nak ung gawk ci.

TAIGÜTHUM 19:17

“Chang tumat mat hnungtuk ne m’lung kä m’hni nak kä na m’dang vai, cun ung phi ani awn kä täng khai ah na om vai. Cun ung ani ah hmawk ah nang naw katnak kä na bik khai.

NG'THU K'THUUK~ 12:1

Hmuhmat nak m’hni ciah chang naw a cheishoh ung m’cäi tu vai ng’ya hlük ci. Chang gu ang naw m’cäi ä thüinak ci.