SAM 140:5 - Cho Bible Common Language 2016

⁵ Chang m’thüi gui naw kei am m’hling na ban ci gui; Ngami naw cuun cuung u ne, lam ah ng’län ung ami na pha nak vai m’hling bang ci gui.

SAM 140:5 Referans Kwoze

SAM 142:3

Kei cu m’lung k’si ge vai ne ka kyak ung, kei naw a i ka bi vai cu ani naw hmat ci. Ka hteh nak vai ah lam ung ka ga gui naw ng’thup ne na k’dum ci gui.

SAM 35:7

A mawng kä om ciah ami na pha nak vai cuun cung u ne, m’vam phi ak thuk ah co ci gui nei,

JEREMIAH 18:22

Ami im gui tu ne phyek khai gui ah chang bum cu kä m’thein gui ah tüi law gui ä; kyi kyawk ne kyah sak gui ä. Ngami naw kei ah ng’kiak nak vai ah khui shawk u ne, ami nap ha nak vai ah cuun cuung ci gui nei.

JEREMIAH 18:20

Akni ah phäh ah akshe cu pek vai ah kya ne ang? Cun ung phi ngami naw kei ah kyak nak vai khui co ci gui nei. Nang ah a i hawkcha ah law ne, ngami ah hmawk ah ng’thu ka pyen cu shüm ba ä, cun ah kyasei nang naw m’lungshe nak awn kä na om püi gui vai nei.

SAM 57:6

Ka gaa gui naw ami na pha nak vai ng’vai cung ci gui; kei naw thüi lü nak awn ka phlän ci. Ngami naw ka lam ung m’vam co ci gui, cun ung phi ami mät kya ba ci gui.

NG'THU K'THUUK~ 29:5

Nang naw kä akni ah na teihpüi na m’tamkhah ung namät ah phä h ah cuun na cuun ah kyak ci.

SAM 119:110

Changshe gui naw kei ah hmawk ah m’hling bang ci gui nei, cun ung phi kei cu na thumkhän kä läk ah kä ka om ci nei.

SAM 119:85

Chang ah ng’shei ne, na thukhän kä läk ciah chang gui naw kei ah kyak nak vai ah khui shawk ci gui nei.

SAM 119:69

Chang ah ng’shei ci gui naw kei ah mawng cu hleei ne pyen ci gui, cun ung phi ka m’lung kyong avan awn na m’shüm thein nak cu ka läk ci nei.

SAM 36:11

Chang k’awm ci naw kä na näng ne, changshe naw kä na k’täm en sä.

SAM 31:4

Kei am ami na cun ung na phyawn sak ä; Kyihkyawk nak ung phi na shung vong ä.

JOB 18:9

Ani ah kho pha cu cuun naw khit ne k’pang ci.

JEREMIAH 18:18

Cun kawn ah chang gui naw pyen ci gui, “Jeremiah ah mawng tumat mat ah mi bik khai nei! Na m’cumcäi gui ciah taigü gui, napüi gui ciah cüivai chang gui, Khanpughi ah ng’thu ng’shäu ciah prophet gui cu akphlüt ah om man ci nei. Ani ah khan ah k’bün nak law püi ne mi hnungtuk püi khai nei, ani ah pyen cu kä mi ngai ba khai nei.”

SAM 43:1

O Khanpughi, akni ah na dang sak ä, Khanpughi kä yum cicu hnu ng’tuk püi ne, kei ah mawng cu na shung ä. Hleeihlak ciah changshe gui ung nak phyawn ä.

NG'THU K'THUUK~ 24:15

Chang shekha ah mäih ah kä na kyak vai, ani naw düng ciah chang gut tep ne, ami im ungka ahei ah hteh püi ci.