SAM 140:13 - Cho Bible Common Language 2016

¹³ Düng ciah chang gui naw akcang ah ning m’tam khai gui nei; Nang ah ma ung ngami cu ghing om khai gui nei.

SAM 140:13 Referans Kwoze

ISAIAH 3:10

Düng ciah chang gui cu yeikyai khai gui, amawng avan cu ngami ah hmawk ah nik khai. Ngami cu ami bi ah kmawk ah yeikyai khai gui.

SAM 16:11

Nang naw ghin nak ah lam cu na nam shüm khai; Na na om püi nak naw yeikyai nak awn na be sak ne, angtäi hlimtui nak phi law püi ci.

SAM 11:7

Bawipa cu düng ne düng ne bi nak cu m’hni ci; Düng ciah chang gui naw ani ah hmai cu hmuk khai gui.

1 THESSALONIAN 4:17

Cun ah akhin ung ghing ne ana om ciah mikmi cu tho ba ci gui awn atäng ah Bawipa hmuh vai ah khomei bawk awn m’hleim ne khankho mik ung na kai püi gui khai. Cun ung mikmi cu angtäi sei Bawipa awn mi om khai.

JOHAN 17:24

O Kapa! Khomdek kä ah ng’tüi pha ung nang naw na na peit ah bämang nak cu, kei-am nang naw na na ap ah chang gui naw, ami hmuh tu vai ah ngami cu kei awn na om sak gui ä.

JOHAN 14:3

Kei cu hteit ne nami om nak vai pyang netah, law ba ne ka om nak ung nami om tu vai ah ka ning la law ba gui khai.

SAM 97:12

Bawipa ah bi lawh hmawk ah düng ciah chang gui avan yeikyai vä! Theing ciah Khanpughi ah bilawh cu shüm ba vä, ani cu m’hlüngtai vä.

SAM 73:24

Nang naw na cüi vai nak awn lam na nam shüm ci, Ak hnu ah m’taam ne na na do khai.

SAM 32:11

Nangni düng ciah chang gui, Bawipa ah bi ah hmawk ah yeikyai vä. Ani ngai ciah chang gui yei ne m’lau vä.

SAM 23:6

Na ni nak la na m’hni nak cu ka ghin nak avan ung om ciah ka hmat ci; Bawipa ah na ghui im ung kei cu angtäi sei ka om khai nei.

JOB 36:6

Ani naw katnak bik ci gui cu kä ghin om sak gui ci. Ani naw angtäi sei dukhaih ci gui cu taga khai ah om päi gui ci.

SAM 35:10

Ka m’lung kyong avan awn Bawipa ma ah ng’thu ka pyen vai cu, “Nang awn täng ci a u kä om ci. Nget ciah kut ungka ak ghawi na shung ci, m’gäi ciah kut ungka ak pyam na hun ci.”

NG'THU K'THUUK~ 22:23

Bawipa naw ngami ah mawng ma cu pyen pe gui khai. Ngami m’kyihkyawk gui ciah ghin nak cu m’kyihkyawk khai.