SAM 14:2 - Cho Bible Common Language 2016

² Bawipa naw Khankho ah om ne, Cüivai ciah chang la ani khawihnah ciah chang a om la kä a om cu hniciim chang gui ung yuk teng gui ci.

SAM 14:2 Referans Kwoze

ROMAN 3:11

Akcang ah hmuhmat ciah chang tumat phi kä om ci, Khanpughi khawihnah ciah chang tumat phi kä om ci.

HEBRU 11:6

Zum nak kä om ci naw Khanpughi kä yei nak ci. Khanpughi om ci, cine Khanpughi shui ci naw m’cümhnah nak gah ci.

ATÜNNAK 6:12

Khanpughi naw m’dek khan cu teng neta, akshe ah kyasei hmuk ci. Khomdek khan ung chang gui cu cheishoh yawp ci gui.

DANIEL 12:10

Chang akda gui cu theingthap khai gui nei. Chang shekha gui cu a i kä hmat u ne, shekha lä khai gui. Cüivai ciah chang gui bäng naw hmuhmat khai gui.

MATTHE 13:15

A i ah kyasei ci ung, ami m’lung cu ang ne, amik hnga cu pang ne, ami mik cu m’shing ciah kyak ci. Ami mik m’dei ne ami hnga ng’lang sei, ami m’lung kyong awn hmuhmat u ne ami kyak vai sü ung, Kei lam ah ng’hlat law u ne, na yi hnei u sei, Kei naw phi kam gein gui khai süte,” cine Khanpughi naw pyein ci ciah kyak ci.

2 SHONTÄP NAK 19:3

Cun ung phi nang ung nani nak api om ci. Chang gui naw ami khawihnah ah khanpughinu Asherah a gup gui avan cu nang naw na k’heeng ci, Khanpughi ah angyak hlü ah läk vai ah na k’tha nak ci” ciah pyen nak ci.

NG'THU K'THUUK~ 9:16

“Lut law vä! A i kä hmat ciah chang gui!” Ani naw chang gu-ang am,

SAM 82:5

“Nangmi cu a i hlawk ah nami awng, a i hlawk ah nami ang ci ang! Nangmi cu nami di yawp ci, Düng nak cu khomdek khan ung ng’kawn ne maih pyi ci.

ISAIAH 63:15

Bawipa, Thengcim ne, bäimang sei na om nak ah khankho ah ka naw na yuk teng gui ä. Dämdüh ciah keimi ah phäh ah na ng’ä nak cu a hawi ang? Na huham cu a hawi ang? Na m’hni nak la m’gein nak cu a hawi ang? Keimi kä na nawng en gui ä.

JEREMIAH 4:22

Bawipa naw pyen ci, “Kei ah ka chang gui cu anglam ci gui; ngami naw kä na hmat ci gui. Ngami cu gu ciah a hmawhta gui ah mäih ah kyak ci gui; ngami ung hmuhmat nak kä om ci. Ngami cu akshekha bi nak ung bi thei aih ci gui, cun ung phi akni bi nak ung shum ci gui.

ISAIAH 55:6

Bawipa ah ng’hlat ne, ani ah k’taigü vä, Tuhbäi ani cu ng’et pyi ci nei.

ISAIAH 27:11

Sing ghing guiah ami ng’ban gui cü chawng ne hnet sei, hnumi gui naw mei ah cih vai ah lak ci gui nei. A i ah kyasei ci ung chang gui naw a i kä hmat ba ci gui, Tüisho gui ciah khanpughi naw kä m’gein gui khai, chimgein nak api phi kä m’dang gui ci.

ISAIAH 8:19

Cun ung phi chang gui naw viik ne, sawbek ciah ng’cäbang ci la k’ce gui ah ng’thu nami k’thäh vaiah ning m’thein gui khai gui. Ngami naw, “Cun kawn ah chang gui naw mumcha gui ah ng’thu k’thäh hning ci gui, akghing nak vai sü aksi cu ng’shica hning ci gui” cik khai gui.

NG'THU K'THUUK~ 8:5

Kä nami ng’langkha ne ma? Nami ng’langkha vai ah ng’thei vä. Nami gu-ang ne ma? Nami ng’lang vai ah ng’thei vä.

NG'THU K'THUUK~ 2:9

Kei na na ngaih ah a kyak ung düng nak, taga nak la hmai kyang nak cu na hmat khai. Ai na bi vai cu na hmat khai.

SAM 92:6

Shin ah a mawng cu ak gu naw kä a hmat; ak ang naw kä a k’shing:

NG’ÄI KYAH 3:50

Bawipa naw khankho ah ka naw ana yuk teng gui ah chuih na hmu gui ci nei.

NG'THU K'THUUK~ 9:4

“Law tu vä, a i kä hmat ciah chang gui! Ani naw chang gu-ang cu pyen nak ci.

SAM 107:43

Cüivai ciah chang gui naw shin ah mawng cu ngaih-tüh u sä, Bawipa ah ng’täi ciah am hni nak cu hmat u sä.

ATÜNNAK 18:21

ami kyah m’lau nak ah mawng ka ng’yak cu akcang ah a kyak la kä cung acu ah hteit ne ka teng khai” cik ci.

ATÜNNAK 11:5

Cun ah chang gui naw ami cawh ah mang gaw la tänghän cu teng khai ah Bawipa cu kyum lawk ci.

ISAIAH 64:1

A i ah kyasei nang naw khomik hmawng ne kä nakyum law ang? Khom’htung gui naw ning hmu u neta kyi ne n’gthüng khai gui nei.

SAM 69:32

Ami shedam nak gui naw cun cu ami hmuh ung yei khai gui; Khanpughi khawihnah ci gui cu ami thagui be khai nei.

2 SHONTÄP NAK 30:19

“O Bawipa kami pupa gui ah Khanpughi, kä a mitheing thap ung phi ami m’lung kyong avan awn ning khawihnah ci gui ah khan ah na ni nak awn m’geinsei gui ä.”

JOB 15:14

Chang cu akcang ah theingcim hning khai ang? Chang cu akcang ah Khanpughi awn ng’düng hlawt khai ang?

SAM 11:4

Bawipa cu a pum im theing ung om ci; Khankho ah amang kyang om ci. Ani naw chang gui ah om nak phung cu teng ne, ami bi law nü cu hmat ci.

JEREMIAH 5:1

Jerusalem chang gui, nami lam gui ung dawng vä! Veing ne teng vä! Nami mät ah phäh ah teng vä! Ami sum lei hmun gui ung shui vä! Ng’düng nak bik ciah chang, Khanpughi ung bekhüt vai ah k’tha nak ciah chang, nami hmuh hning khai aw? Nami hmuh ah a kyak ung, Bawipa naw Jerusalem cu m’geisei khai nei.