SAM 14:1 - Cho Bible Common Language 2016

¹ Chang k’ang gui ami mät ng’htau u ne, “Khanpughi kä om ci nei” cik ci gui. Ngami cu chei yawp ci gui, Ak tüük khai gui bi lo ci gui; Düng ci bik ci tumat phi kä om ba ci.

SAM 14:1 Referans Kwoze

SAM 10:4

Changshe naw Bawipa cu a i ah kä sui ci; Chang ah ng’shei u ne, Khanpughi kä hlü ciah ngai ci.

SAM 53:1

Chang gu ang gui naw ami m’lung kyong ung “Khanpughi kä om ci” cik ci gui. Ngami cu didap u ne m’shemshai ciah bi bik ci gui; ng’düng ci bik ci tumat phi kä om ci.

SAM 92:6

Shin ah a mawng cu ak gu naw kä a hmat; ak ang naw kä a k’shing:

ATÜNNAK 6:5

Khomdek khan ah chang gui cheishoh yawp u ne, angtäi sei ami m’lung kyong ung akshe bäng a om cu Khanpughi naw hmu neta,

MATTHE 12:34

K’pyu m’äm mah gui, nangmi cu changshe ah nami kyak ci kya ne, a i hawk chaa ah ak ni ah nami ng’thu hlawt khai aw? M’lung kyong ah be ne om cicu m’gawngshai ung ng’thu ah lut lawk ci.

LUKA 12:20

Cun ung phi Khanpughi naw, “Chang shekha aw, atuhmü si ne shing gui na nawng shüt khai nei, cun ung nang ah m’küm ah khawh chaam gui a u naw khäm khai ang?” cine pyen nak ci.

MATTHE 15:19

Chang ngawn nak, chang ah chu hta kat püi nak, changshe awn ih om nak, m’guk-ei hleei pyein nak, la chang m’thüi khang nak gui ah kä nik ciah ngaih-tüh gui phung cu, m’lung kyong ungka lut lawk ciah kyak ci.

NG'THU K'THUUK~ 1:7

Bawipa kyih aa nak cu hmuhmat nak ah a phung ah kyak ci, gu-ang ciah chang naw cüivai nak cu a i ah kä ngai ne, kä m’thei thang hlük ci.

TITUS 3:3

Ayan ä mikmi mi mät phi mi gu aang ne, thu kä ngai ne, mi cheishoh ne mi om man te ci. Ng’yak nak hlü hlü la hlim tui nak a hnga hnga ah khleihtein ah mi kya man ci. Mi ghin nak cu m’thüi m’khang nak la vamneng nak awn mi ng’pyi sak ci; chang naw phi na gen gui ci, chang phi mi gen man ci.

EPHESIAN 2:12

Cun yah ung nang mi cu Bawi Khrit awn nami ng’shawng ci. Nangmi cu a kho hei chang gui ah kya u ne, Khanpughi ah ghü ah chang ah kä nami kya tuk ci. Khanpughi naw ak chang gui ah hmawk ah shai a taak ah ng’thukhän ung phi, nangmi cu kä nami ng’khämtuk ci, khomdek khan ung Khanpughi kä hmu ne, ngaih u vai kä om ciah chang ah nami kya man te ci.

NG'THU K'THUUK~ 27:22

Nang naw chang a gu ang a sih ü awng güt na m’ghuih ung phi, ani ah gu ang nak cu ani ungka maih khai ah kä na m’ghuih hlawt khai.

NG'THU K'THUUK~ 1:22

“Chang gu k’ang gui! A i güt nami gu ang khai ang? A i güt hmuhmat nak cu m’lepse ne nami yeikyai khai ang? kä nami ng’thei thang phung khai ma?

JOB 22:13

Cun ung phi nangmi naw nami ng’shik ci, “Khanpughi naw a i hmat ne nang? Ani cu ng’mei naw shung ci, a i hawkcha ah nam khoicha gui khai aw?” nami cik ci.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

TITUS 1:16

Ngami naw Khanpughi kami hmat ci nei ami ci ung phi ami hnün thawh naw maa na gui ci. Ngami cu thüi nak vai kya u ne, thu kä ngai u ne, akni phung api phi, kä bi tu hning ciah chang gui ah kyak ci.

ISAIAH 1:4

Nangmi nami hmüp ci, nangmi cu cheishoh ciah pakhui, Nangmi m’shetkat ne shekak ciah chang! Nami hmakat nak naw ning kaih tawn gui ci nei! Nangmi naw Bawipa, Israel gui ah theingcim ciah Khanpughi cu hnu na u ne, ani cu nami ng’hlah tak ci.

SAM 107:17

Am shah gui cu ami katnak la ami omshe ah hmawk ah gu ne geinvai ci gui;

JOB 15:16

Chang naw akshe cu tui ah mäih ah awk ci, Chang cu akcang ah cheishoh ci, alä maih ah kyak ci.

1 SAMUEL 25:25

Na bä ni, Nabala ah khan ah a i kä she bi en ä, ani cu kä chang man nei! Ani cu aming ah mäih ah akgu ang ah kyak ci nei! Saza aw, na chang gui ami law yah ung kä ka om ci.

NG'THU K'THUUK~ 13:19

Ng’yak hlü gah cu a i hlawk ah nik ci ang? Gu ang ciah chang gui naw akshekha ng’hlah tak vai ah mak ci gui.

SAM 73:3

A i ah kyasei ci ung changshe gui bämang ne ami khawhmah ah hmawk ah kei cu ka m’thüi m’khang ci.

THUSHÄUTU 7:20

Angtäi sei a hman bi ne, a hma kä bi phung ciah chang khomdek khan ung a u kä om ci.

JEREMIAH 5:12

Bawipa ah chang gui naw ani maa na u neta, ami pyen cu, “ani naw akzang ah a i kä bi lawk khai nei, mikmi ung ng’tuk nak la kho a zaw nak kä om khai nei.”

JEREMIAH 6:28

Ngami ami van cu ami m’lung ling ne hnungtuk ci gui, kyei la m’si ah mäih ah liu cu gui. Ngami ami van cu theileh ci gui, hteit shüi shüi ne ng’pyen sak ci gui.