SAM 139:2 - Cho Bible Common Language 2016

² Nang naw ka bi phung cu na hmat ci; Kei ah ka ngaih-tüh avan cu a shou nak ah om ne na hmat yawp ci.

SAM 139:2 Referans Kwoze

MATTHE 9:4

Bawipa Jesuh naw, ngami ah ngaih cu hmat netah, “Nangmi a i ah kiasei cän ah akshe ah nami ngaih-tüh ang?

2 GHANGPUGHANG GUI 19:27

“Cun ung phi nang ah na mawng phung phung a i na bi a hawi na hteh, kei naw ka hmat ci. A i hlawk ah m’lungshe ne, na na päipih kei naw ka hmat ci.

LUKA 9:47

Bawipa Jesuh naw, cun ah ami ng’cuh cu ng’ya netah, ak hmaw tumat khü ne a pei ah m’düih ci.

SAM 94:11

A i ami ngaih-tüh cu Bawipa naw hmat ci; ngami ah m’lung ngaih akholä ah akyak cu ani naw hmat ci.

ISAIAH 37:28

“Cun ung phi nangmi ah mawng avan ka hmat ci, a i nami bi, a hawi nami hteh, a i hlawk ah nami m’lung she sei nami na hnung’tuk püi cu, kei naw ka hmatci.

NG'THU K'THUUK~ 15:3

Bawipa naw a hawi, a i ah kyak ci cicu hmuk ci, ani naw na ngang gui ci, akni akaa mi bi cu na teng gui gi.

SAM 56:8

A i hlawk ah ka khüikha cu nang naw na hmat ci; ka ng’phli tui cu gi na ne, na gim ci. Ngami naw na na uk ung kä m’hnüt tu u ne ang?

2 GHANGPUGHANG GUI 6:12

Tumat naw pyen ne, “Ka bawi aw, a u kä kya tuk ci nei” cik ci. Prophet Elisha naw na mät ah kyong ah na pyen gui phi Israel ghangpughang am m’thein ci nei” cik ci.

ATÜNNAK 16:13

Hakarah cu amät ng’htau ne, “Kei na hmuk ciah Bawipa cu shin ung akcang ah ka hmuk ci nei” ci neta, ani ng’thu püi ciah Khanpughi cu ‘Elroi’ ah a ming sui ci.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

EZEKIEL 38:17

Kei naw cau ka pyen ah chang tumat cu nang ah kyak ci, cun yah ung kei naw ka changshäm, Israel prophet gui ungka naw ka ng’shäu cu, cun ah hnüüp a gawk law ung, Israel tuk khai ah chang tumat cu kei naw ka law püi khai” ciah kyak ci. Uktu Bawipa naw a pyen nei.

THULÄÄN NAK 31:21

Cun kawn ah kyih vai ah leigai akda ami khan ah gawk lawk khai. Cun ung phi shin ah ng’äi cu m’cu lä khai gui, a cun cu ngami hnu ng’tuk gui ne saksi ah ng’düi khai. Tuhbäi pang phi, kei naw ka pek gui vai ah ka shai tak nak ah khaw ung kä ka hteh püi gui pha ung, ngami naw a i ngaihtüh ci gui cicu kei naw ka hmat ci.”

SAM 44:22

Cun ung phi nang ah m’hnüt nak ung, keimi cu akphlüt ah na ngawn gui ci gui, aat ne kyih vai ah htome ah mäih ah na bi gui ci gui.

EZEKIEL 11:5

Bawipa ah mumcha naw kei cu na shum neta, shin ah ng’thu cu Chang gui am ka pek gui vai ah Bawipa naw na m’thein ci: “Israel Chang gui, nangmi naw ai name pyen, ai name pawng püi cu kei naw ka hmat ci nei.