SAM 139:18 - Cho Bible Common Language 2016

¹⁸ Cun cu khei vai sü ung lai gin na ta da pi khai kyak ci nei. Kei ka thawh law ung nang awn atäng ah ka om ci nei.

SAM 139:18 Referans Kwoze

SAM 3:5

Kei cu ng’yän ne ka ip ci, Bawipa naw amü pum na m’htei ci.

SAM 139:3

Kei bi ka bi sang la ka ng’düm sang cu nang naw na na hmuk ci; Nang naw ka hnün thawh avan cu na hmat ci.

SAM 40:5

O Bawipa, kami Khanpughi, Nang naw keimi ah khan ah akda na bi ci nei; Nang ah mäih a u kä om ci nei; Kei naw khei ne kä ka pyen hlawk yawp vai ah, cun gui cu da aih ci nei.

SAM 17:15

Cun ung phi kei naw ka ning hmu gui khai, kei cu chei khai ah a i kä ka bik ci; kei ka thawh law ung na na om püi nak naw kei cu na yeikyai sak khai nei.

1 THESSALONIAN 5:10

Ani a kyum law ba hnüüp ung, sih ung phi bäi, ghin ung phi bäi, ani awn a täng ah om vai ah Bawipa cu mikmi ah hmawk ah si pyi ci nei.

DANIEL 12:2

Si pyi ciah chang gui akda cu ghing ba khai gui, amshah cu angtäi ghin nak ung yeikyai khai gui, amshah cu angtäi thüisei nak ung yaica khai gui.

ISAIAH 26:19

Keimi ah kami chang cu a sih ung phi, ghing ba khai! Ngami ah ami pumsa cu ghing law ba khai. Ng’phuh hmun ung ip ci gui ami van tho ba u ne, yei ne ng’äi m’cu khai gui. K’daam tui naw khomdek ak chin sak ah mäih ah, khaw k’sho ung sik ciah chang gui cu Bawipa naw ghin ba sak gui khai.

SAM 40:12

Kei cu kä khei tai vai ah da ciah khüikha nak naw na k’cung ci nei. Ka katnak gui naw na pha sei a i kä ka hmu ba ci nei; ka katnak gui cu ka lu ung lumu ah phi da pi ci nei; kei ah ka thagui cu maih ci nei.

SAM 40:6

Nang naw ghutha la vawih peh cu kä na ng’ya hlük ci nei; Nang naw khiksei ngawn ne m’khih ne, kiang ung taih la kat phyawn nak ah ghutha cu kä na k’thäh ci nei. Cun ung phi na ng’thu ng’yak vai ah hnga cu na na pek ci nei,