SAM 138:3 - Cho Bible Common Language 2016

³ Kei naw ka ning khü ung nang naw na na m’shang ci; Na tha gui awn thagui na na k’be ci.

SAM 138:3 Referans Kwoze

1 PETER 5:10

Cun ung phi nangmi cu cun ah geinvai nak a shänghta nami aut kawn ah, M’Gein nak ah Khanpughi, Bawi Khrit ung ning kawng ät sak gui ne, ng’täi ciah abämang nak ning k’pai tu gui khai ah ning khü gui ciah Bawipa naw, nangmi cu ning kümbe sak gui ne, ng’khäntaang nak, k’thamah nak la khüighaat nak ung ning khanhtek sak gui khai nei.

SAM 18:6

Ka cümbawng yah ung Bawipa cu ka khü ci nei; na m’htei khai ah Khanpughi cu ka k’thäh ci nei. A pum im kyong ah om ne ka k’aw cu ng’yak ci; ka kyah cu ngai ne, na m’htei ci nei.

ZEKHARIAH 10:12

Kei naw ka chang gui cu ka khüighaat sak gui khai, Ngami naw na khawihnah ne na läk khai gui.” Cun cu Bawipa ah ng’thu ah kyak ci.

ISAIAH 12:2

Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.

PHILIPPIAN 4:13

Bawipa Jesuh Khrit ah na peit ah k’thagui awn kei naw ang’tüi avan kam khüt hning ci nei.

SAM 27:14

Bawipa ngaih u ä, yum ä, khüi ghaat ä, Bawipa ngaih u ä.

KOLOSE 1:11

Amät ah bämang hlüngtai nak ungka lawk ciah khüighaat nak naw ning k’thamah sak gui sä, cun ung a päng avan cu hniimgei nak awn nami näng khai nei. Zeikiai nak awn Pa Khanpughi cu m’hlüngtai vai, ani naw akdei ah uknak kho ah, chang ah hmawk nak cu nangmi naw ng’müi ne nami chaw nak tu vai ah ning pyang gui ci nei.

EPHESIAN 6:10

Ak hnu bäih ah ka ning m’cäi gui cu, Bawipa ung kawngät nak la küikyang ciah a hlüngtai nak ung thamah ne khüighaat vä.

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

SAM 29:11

Bawipa naw ak chang gui cu thagui k’be gui ne, dimdeeih nak hriham pe gui ci nei.

EPHESIAN 3:16

Khanpughi cu bämang ci kyasei, nami m’lung kyong a khüighaat vai ah, ang Mumcha awn hlüngtai nak a ning peit gui vai ah, kei cu ka taigü ci nei.

SAM 63:8

Kei cu nang ung ak htek ah ng’pang ngä sei, Na kut naw kei cu na k’phyawn ci.

SAM 28:7

Bawipa naw na shung ne na vong ci; Ani cu ka ngaih u ci. Ani naw kei cu nam htei ne, na yei sak ci; yeikyai nak ng’äi awn kei naw ka m’taam ci nei.

ISAIAH 65:24

Kei ah ami taigü law kä ang pha ung, ngami ah taigü cu kei naw ka m’shang khai.

1 SAMUEL 30:6

David cu khüikha nak akdäm ung gawk ci, a i ah kyasei ci ung, a chang gui ami van u ami hmaw gui a maih ah phäh a thüi aih ci gui, ani cu lung awn vawih vai ah k’bäi ah k’bäi ci gui; cun ung phi Bawipa a Khanpughi naw k’thamah nak pek ci.

SAM 34:7

Bawipa m’tam khah ciah chang gui cu, ak khan kho chang gui naw ngäng ci gui, kyihkyawk nak nüng ung gung ci gui.

NG’ÄI KYAH 3:57

Nang naw na m’shang ne kä kyih en vai ah na na m’thein ci.

DANIEL 10:18

Hnü ät mä ani naw na k’pang bamä khä ta, ka thamah law ba ci.

DANIEL 10:19

Ani naw pyen ci, “Khanpughi naw ning m’hni ci nei, cun ah kyasei a i naw kä ning ng’ä en sak sä, kä ning kyih en sak sa.” Ani naw shin ah a pyen yah ung, kei naw thamah ba pi neta ka pyen cu, “Bawi aw, nang naw na pyen vai cu na m’thein ä. Nang naw na na hüiyang sak pi ci nei.”