SAM 137:8 - Cho Bible Common Language 2016

⁸ Babilon, nang cu na di khai nei. Keimi ah khan ah nang naw na bi ah hmawk ah ning thung ba ne bik ciah chang ah khan ah yeikyai nak om sä,

SAM 137:8 Referans Kwoze

THU PHLAAN 18:6

Ngami ah khan ah abi ah mäih ah, Ani ah khan ah bi tu ba vä; Ani ah bi ah mä goi khai ah, Ani ah khan ah phu tu ba vä; Nangmi ah hmawk ah a ning pyan peit gui ah mä, a goi ah kha pi khai ah a khap cu pyan pe vä.

ISAIAH 21:1

Shin cu Babilonia ah mawng thumkhäh ah kyak ci. Khawng gau khaw kan ne ng’pheet lawk ciah kuiphak ah mäih ah. Leigai cu kyih vai kyak ciah khaw ung ka gawk lawk khai nei.

ISAIAH 44:28

Kei naw Sairus cu ka pyen nak ci, ‘Nang naw kei ah phäh ah na uk khai nei; Kei naw ka ning bi sak hlü cu nang naw na bik khai nei. Jerusalem cawh ba vai la Taigüim ah angnei k’süm vai ah, nang naw ng’thu nak’bäi vai nei.’”

THU PHLAAN 18:20

Khankho chang gui cun ah mang gaw adi ah phäh ah yei vä, Khanpughi ah chang gui ang düihpüi gui, purofet gui yeikyai vä! Ani naw nangmi ah khan ah abi phung phung ah hmawk ah Khanpughi naw ani cu m’kat pyi ci nei.

JEREMIAH 50:1

Shin cu Babilon mang gaw la a chang gui ah mawng Bawipa naw ana pek ah ng’thu ah kiah ci:

JEREMIAH 50:29

“Likap gui naw Babilonia ami tuk vai ah m’thein gui vä. A i hawkcha ah li la m’la bi vai ciah hmat ciah chang nü cu tüi vä. Mang gaw cu kei vä, a u phi käk’phiaan en vä. Ani abi gui avan ah phäh ah pe ba vä, a ni naw chang gui a om püi ah mäih ah om püi tu ba vä, a i ah kyasei ci ung, ani naw ng’shei ne kei, Israel ah Theingzim ci Tumat cu ana hnung tuk püi ah phüh ah kyak ci.