SAM 137:5 - Cho Bible Common Language 2016

⁵ Jerusalem, kei naw ka ning m’hnih ah akyak ung, Tingtäng cu kä ka tum ba hlawt khai ah kya sä!

SAM 137:5 Referans Kwoze

JEREMIAH 51:50

Babilonia ah om ciah a chang gui a pyen nak gui cu; “Nangmi cu sih nak ung nami phyawng pyi ci! Tubäi hteit vä, kä ging en vä! Cun ung phi nangmi im awn ami ng’shawng law ung, nami Bawipa, kei cu na khaih na vä, Jerusalem cu shüm vä.

ZEKHARIAH 11:17

Cun ah akholä ah kyak ciah htome shäm cu, akhaw mü ci nei! Ani naw a htome gui cu nawng gui ci. Ng’tuk nak naw a huham avan cu m’di khai nei. Akut cu shuum khai, akpat lam a mik cu m’dauh khai nei” cik ci.

ISAIAH 62:1

Kei naw Jerusalem cu thagui pe ne ng’thu ka pyen khai; Ani naw hun nak kä a gah pha ah chuih kei cu kä ka om düt khai, Ani ah näng nak cu mü ung mei m’däi ah mäih ah ng’shü khai.

SAM 84:10

Na Pum im ung hnüüp ät om cu a hei ung ah hnüüp phia gha om ah ta bä pi ci nei. Changshe gui ah im ung om ah ta, ka Khanpughi ah Im kawt pei ah ng’düih cu ka m’hni pi ci nei.