SAM 137:3 - Cho Bible Common Language 2016

³ Na pha gui ciah chang gui naw ng’äi kami m’cu vai ah pyen ci gui; Ngami naw, “Zion ah mawng ng’äi tumat m’cu vä” cine khin nak gui vai pyen ci gui.

SAM 137:3 Referans Kwoze

LUKA 21:6

Bawipa Jesuh naw, “Shin ah nami hmuh gui cu avan she ne maih khai nei. Lung k’pei tumat phi a hnün ung kä ng’taih ba shüt sei she ne a maih nak ah a khin gawk lawk khai nei,” cik ci.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

JEREMIAH 26:18

Hezekiah cu Judah ghangpughang ah a kyak yah ung, moresheth ah ka prophet mikah naw chang gui avan a pyen nak gui cu, m’gäi ciah Bawipa naw pyen ci, ‘Zion cu lai ah mäih ah thawn khai gui, Jerusalem cu akshe gui oum ah kyak khai, Taigüim m’htung cu bung ah kyak khai.’

JEREMIAH 9:11

Bawipa naw pyen ci, “kei naw Jerusalem cu, im ng’phrek ciah ng’awt ng’bum, sa ui gui ah om nak ah hmun ah ka pyang khai; Judah mang gaw gui cu chang ah kä om nak bung ah kyak khai gui.”

ISAIAH 35:10

Ngami cu yeikyai nak awn Jerusalem ah gawk khai gui, Ng’äi m’cu ne, yei ne m’lau khai gui. Ngami cu angtäi sei yeikyai khai gui, Thüisei omdam nak phiawn nak khai gui.

SAM 80:6

Nang naw kami pei leng ah pakhui gui cu, kami kho ami tuk vai la kami ga gui naw ami na shedam nak gui vai ah na m’shüm gui ci.

SAM 79:1

O Khanpughi, khuihei gui naw na khaw kaan lawk ci gui nei. Ngami naw na Pumim theing ng’gogan sak u ne, Jerusalem phi m’shet ci gui nei.

SAM 65:1

O Khanpughi, Zion ung ning m’taam cu keimi ah düng nak nei, Nang ung kami shaitak cu kami m’htek ci nei,

SAM 9:14

Cun ung kei cu Jerusalem chang gui ah ma ah ng’düi ne, Nang ka ning zeinak ah mawng avan cu ngami am ka m’thein gui khai nei. Nang naw na na hun ah hmawk ah ka yei kyai khai nei.

NEHEMIAH 4:2

Apawchang gui la Samaritan gakap gui ah ma ah ani naw a pyen cu, “Ami k’tha kä om ciah shin ah Jew gui naw a i bik ci gui ah ang ami ngaih? Ngami naw mang gaw co ba khai gui ah ng’bü u ne ang? Ngami naw khawihnah ami douthak nak awn hnüüp ät ung pyi ne bi khai ah ngai u ne ma? Ngami naw im cawh nak ah lung gui cu mei ah m’khih ah ng’awt bum ung ka la ba khai gui ah ngai u ne ma?”

1 SHONTÄP NAK 16:7

Shin cu David naw ak htükbäih ah Asaph la Levit-paw gui am ng’äi m’cu ne Bawipa m’hlümtai vai ah a pek gui ah kyak ci.

ISAIAH 51:11

Nang naw na gun gui ah chang gui cu yeikyai u ne, ng’äi m’cu u ne, yei ne m’lau u ne, Jerasalem ung gawk lawk ci gui nei. Ngami cu angtäi sei yei kiai khai gui nei. Azä nak la thüi sei nak ung angtäi sei luat khai gui nei.

1 SHONTÄP NAK 15:27

David cu linen ak ni pi ami tah ah suinu cu sui ci, tumkhawng ci gui, ami ng’vaihta Chenaniah la m’küm kawt ciah Levit gui phi akni sui ci gui. David cu linen ephod yih phi khang ci.

NG'THU K'THUUK~ 25:20

Am lung thüi aih ciah chang am ng’äi m’cu cu kho am yu ah hnüüp ung ak htu suh pek awn täng ci, khei ung m’shi shum awn täng ci.