SAM 136:24 - Cho Bible Common Language 2016

²⁴ ani naw ga gui ah kut ung na m’hlawt gui ci; Ani ah m’hni nak cu ng’täi ci nei.

SAM 136:24 Referans Kwoze

SAM 107:2

Aning hun gui ah chang avan naw Bawipa cu m’taam ba mä vä. Ani naw nami ga gui ungka ning gung gui ne,

PHYAWN NAK 15:13

Na shaitak ung na bekhüt ci, na gun ah chang gui cu lam na m’shüm gui ci; na thamah nak awn na khaw theing ah na hteh püi gui ci.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

ISAIAH 63:9

ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.

THULÄÄN NAK 15:15

Nangmi cu Egypt khaw ah changshäm ah kya u ci sei, Bawipa nami Khanpughi naw a ning m’hlawt gui cu nami shüm ba vai nei. Cun ah kyasei kei tuhbäi a shin ah thumkhän ka ning pek gui ah kyak ci.

NEHEMIAH 9:27

cun ah kyasei ngami cu ami ga gui am näng sak gui ne na uk sak gui ci. Ngami ami khüikha yah ung na m’htei gui vai ah ning thäh u sei, Khankho ah ka naw na m’shang gui ci. Dämduh ciah na chimgein nak awn ami ga ung gung gui khai ah angvai gui cu na tüih pe gui ci.