SAM 136:12 - Cho Bible Common Language 2016

¹² Cun cu khüighat ciah a kut la huham ah ciah a ban awn ah kyak ci; Ani ah m’hni nak cu ng’täi ci nei.

SAM 136:12 Referans Kwoze

JEREMIAH 32:21

Cäi-aih nak gui vai la cäicat nak gui vai awn mi ga gui cu kyihkyawk sak gui ne, nang naw na chang gui Israel gui Egypt khaw ah kaa law püi ba nak gui vai ah na huham la na m’gäi nak cu na mang ci

THULÄÄN NAK 4:34

Egypt khaw ah nangmi ah hmawk ah Bawipa nami Khanpughi naw abi ah mäih ah tha hlü ne hteit ne a hei pakhui khaw ungka chang la ba ne, amät ah chang ah pyang ciah Khanpughi om man ne ang? Nami mik awn nami hmuh vai ah ani naw dämduh ciah a huham la ak thagui cu mang ci. Ani naw leigai la ng’tuk nak law püi ci. Cäi-aih vai la cäicat vai gui bik ci, kyihkyawk vai gui kyak sak ci.

SAM 44:3

Na chang gui naw ami mät ah chim awn cun ah kho cu kä näng hlawt ci gui; Ami mät ah huham la k’thagui la na om ah mawng ang kheing sak nak awn, acun naw na m’hni nak gui cu dang sak ci.

PHYAWN NAK 6:6

Israel gui am ka pyen nak gui ah ng’thu cu m’thein gui vä, “Kei cu Bawipa nei, kei naw ka ning gung gui khai, Egypt gui ah changshäm ah nami kyak nak ungka, ka ning m’hlawt gui khai. Kei naw m’gäi ciah ka ban shäng ne, ngami ah khan ah kyih vai ah m’kyuk nak cu ka law püi khai, nangmi cu ka ning hun gui khai.

PHYAWN NAK 15:6

Bawipa, na k’pat kut cu huham mah ci, acun naw ga gui cu hnget ne bät sak gui ci.

PHYAWN NAK 13:14

Ngawi ah shin ah mawng gui cu a i hawkcha ang, cine nami hta gui naw ami ning shi gui ah a kyak ung nami m’thein gui vai cu, ‘Bawipa naw dämduh ciah a huham awn, changshäm ah kyak nak Egypt khaw ah kaa, nak plawk ba gui ci.

LAMKTU 7:36

Ani naw Egypt khaw lah Tuisen tuinu ung phi bäi, khaw kum phli-kip ung k’pya lünnu ah phi bäi, cäi aih gui vai lah ngaih khit gui vai cu m’dang neh Egypt khaw ah ka, Israel chang gui law püi ba gui ciah kyak ci.”

PHYAWN NAK 13:3

Moses naw chang gui am, “Nami shüm vai ah hnüüp cu-changshäm ah nami kyak nak ah hmun, Egypt khaw nami hteh tak nak ah hnüüp ah kyak ci. Cun cu Bawipa naw dämduh ciah a huham awn a ning plawk nak gui ah hnüüp ah kyak ci. K’caw shum ah m’htut kä ei nak ah kyak ci.