SAM 135:7 - Cho Bible Common Language 2016

⁷ Ani naw khomdek ah kem ah ka khomei gui ci kai law sak ci; kho phi lailäp ne ng’hmum kyeek sak ci, a im khei ungka khokhi phi luh law sak ci.

SAM 135:7 Referans Kwoze

JEREMIAH 10:13

Ani ah ang thukhän awn khankho ah akhan ung tui cu gai ne; ani naw khocawi ah ka khongmei gui cu law püi ci. Ani naw khaw k’aa ung khaw lailäp sak ne, akhei ung ka khokhi cu tüi lawk ci.

ZEKHARIAH 10:1

Khawhtui khaw ah khaw aa khai ah Bawipa ah ng’yoi vä. Bawipa naw khaw k’aa ng’mei gui awn khaw aa sak sei, chang van ah hmawk ah lolai gui m’kim ne nik ci.

JEREMIAH 51:16

Ani ah ang thumkhän awn khomik ah khan ah tui gui m’hnawk ci; khomdek ah ak cawi ah ka khongmei gui ani naw law püi ci. Ani naw khok’aa ung lailüp pyang ci, cun kawn ah ak khei im kyong ah kaa khokhi cu tüi lawk ci.

JOHAN 3:8

Khokhi cu akhi nak hlü lam ah khi ci, kho akhi hmat ung phi a hawi täng ah tün ne, a hawi täng ah khi khai ah kä hmat hlawt ah mäih ah Mumcha Theing awn ng’tüi cicu kyak ci,” ci ne m’thein ci.

SAM 148:8

Lailäp la gäi lung, khüi toi la kho ng’mei, puikho khi avan a thumkhän ngai ci gui naw.

JONAH 1:4

Cun ung phi Bawipa naw tuinu ah khan ah pui khokhi yuk chah lawk ci. Pui kho ak chün ah khi sei htinpaw ng’gäi ne di law vai ci.

JEREMIAH 14:22

Chang pakhui gui ah a gup gui naw khaw kä aa sak hlawt ci; khomik amät naw khogoh kä ng’kiak sak hlawt ci. Keimi naw nang cu kami ning ngaih u ci nei, Oh Bawipa, kami khanpughi, a i ah kyasei ci ung nang cu shin gui bik ciah na kyak ci.

SAM 107:25

Ani naw m’tho sei pui kho khi ne, tuinu ng’hnawk ci.

JOB 5:10

Ani naw khonglei ah khan ah khaw aa sak ne, lolai gui cu tui awn shawi ci.

1 GHANGPUGHANG GUI 18:1

Shou hta khäta, khokäu a kum thum nak ung Bawipa naw Elijah a pyen nak cu, “Nang cu ghangpughang Ahab ah ma ah hteit ä, kei naw kho ka aa sak khai nei,” ci sei,

SAM 78:26

Ani naw kiang khokhi cu ng’hlah sak ne, a huham awn htum khokhi cu m’tho ci;