SAM 135:6 - Cho Bible Common Language 2016

⁶ Khankho la khomdek ung, tuinu la tuinu ah ka ung Ani naw ang yak hlü phung cu bik ci.

SAM 135:6 Referans Kwoze

DANIEL 4:35

Ani naw chang gui cu akholä ah mäih ah teng gui ci; Khankho ung khanchang gui la m’dek khan ung m’dek chang gui cu ani naw shum gui ci. Ani ah ng’yak hlü cu a u naw kä hnung tuk püi hlawt ci, Ani ah bi cu a u naw kä ng’shi k’thäh hlawt ci.

SAM 115:3

Kami Khanpughi cu khankho ah om ci; Ani naw ang yak hlü phung bik ci.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

ISAIAH 46:10

A htük ge ung, kho ah ng’pyi nak vai ah mawng kei naw ng’cä ne ka pyen ci; cau pui ge ung a i ah kya lawk khai cicu kei naw ka pyen tu ge ci. Kei naw ka pawng pui gui cu kä yung kya phung khai cine kei naw ka pyen ci, Cun ah kyasei kei naw ka bi vai ah ka k’bäi phung cu ka bik khai nei.

SAM 33:11

Cun ung phi ani ah pawng püi cu kho ung ng’län ne ang bü nak cu angtäi ah om ci.

SAM 33:9

Ang thu m’gawng ung ka khomdek cu ng’tüisho ci, ang thum khän ung ka apäng dang lawk ci.

AMOS 9:6

Bawipa naw Khankho ah a im co ci, khomdek khan cu khomik awn küm ci. Ani naw tuinu tui gui cu khü ne, khomdek khan ah yuk chah ci. Ani ah ming cu Bawipa nei!

AMOS 4:13

Khanpughi cu khomhtung gui piang ne, khokhi tüisho ciah kyak ci. Ani naw a m’lung ngaih cu chang gui am hmat sak ci; ani naw khaw hnüüp cu mü ah ng’lat sak ci. Ani cu m’dek khan ahlüng nak pi ung hteit ci. Ani ah ming cu Bawipa, m’Gäi ciah Khanpughi ah kyak ci.

MATTHE 14:25

Ngawilam ai khong htük ung Bawipa Jesuh cu ang düihpüi gui ah om nak ah lawk khai ah tui khan ah ana a vük ci.

JOB 42:2

Bawipa, ka hmat ci nei, nang cu avan ung na huhamah pikbäih ci. Na ng’yak hlü avan na bi hning ci.

DANIEL 4:32

Nang cu chang hmu ungka ka ning k’täm pyi ci nei. Khisa gui awn atäng ah om ne, khokum chih ung seipat ah mäih ah khu na ei vai nei. Cun kawn ah nang naw na ng’kyaa vai cu, hlüngtai ciah Khanpughi ung hnicim chang ah uknak khaw ah khan ah a huham cu om ci nei, cun cu ani naw a ghü ah chang am pe hning ci nei.”