SAM 133:1 - Cho Bible Common Language 2016

¹ Khanpughi ah chang gui m’lung ngaih ät sei atäng ah om cu, cäicat aih vai, yeikyai aih vai kyak ci nei!

SAM 133:1 Referans Kwoze

1 PETER 3:8

Ak hnu ah ka pyein hlü cu, nangmi cu m’lung ät, ngaih ät ne nami om vai; phäi nau ah mäih ah ng’yumhni tu u ne, m’lung neim nak la chimgein nak awn nami om vai.

1 KORIN 1:10

Phäinau gui aw, Mi Bawipa Jesuh Khrit ah huham awn kei naw nangmi cu ka ning m’cumcäi gui ci nei. Nami thu m’gawng ung nami kawng ät vai, cun ung nami ng’phyeekpai nak kä om khai. M’lung ngaih tumat, bü nak tumat ung nami kawng ät yawp vai.

JOHAN 13:35

Nangmi tumat la tumat yumhni tu ne nami om ah a kyak ung, ning teng gui ciah chang gui phung naw, kei ah ning düihpüi gui ah ning hmat gui khai nei” cine kiak na gui ci.

HEBRU 13:1

Krihta ah kya ne tumat la tumat nami yumhni tu vai nei.

JOHAN 17:21

O Kapa! Nang cu kei awn kawng ät ci sei, kei phi nang awn ka kawng ät ah mäih ah, ngami gui cu kawng ät sak gui ä. Kei cu nang naw na na tüih law ah m’dek chang gui naw ami yum vai ah, ngami gui cu kawng ät sak gui ä.

JEREMIAH 32:39

Ami mät la ami htangshong ah nikyäp nak vai ah ami na kyih aa thei vai ah: ngami am ami ghin nak ah bünak atumat bäng ka pek khai.

ATÜNNAK 13:8

Abram naw Lotah am, “Nik ni cu ng’mätzah goi ah ni kyak ci. Nang ah chang gui la kei ah chang gui ah ng’lak ah ng’tuk gen nak kä om men sä.)

ATÜNNAK 45:24

Cun kawn ah a phäinau gui am, “Lam ah kä nami ng’tuk vook en vai” cine m’cäi gui ne, tüi ba gui sei a phäi gui cu hteit ba ci gui.

ISAIAH 11:6

Hnei gui la htome gui cu dimdeeih sei atäng ah om khai gui, kawnghta gui awn atäing ah ng’baw khai gui. Seihta gui la phongkawng hta gui cu a täng ah vuh khai gui, cun gui cu ak hmaw hta hta gui naw shäm gui khai gui.

SAM 131:1

Bawipa, chang ah ka ng’shei nak cu ka nawng ci, chang yawshe nak phi ka ng’hlah tak ci. A tung khak ah phi kä ka kyak ci, khüikha nak gui vai phi kä ka yum ci.

ISAIAH 11:13

Israel uknak khaw cu Judah khaw ah khan ah vamneng nak kä om ba khai, Judah cu Israel ah ga ah kä kya ba khai.

SAM 122:1

Ngami naw, “Bawipa ah im ah mi hteit khai nei” ami ci ung, kei ka yei ci.

ISAIAH 11:9

Zion ah khan, khanpughi ah m’htung theing ung, nat nak la akshe a i pi kä om khai. Tuinu cu tui awn abe ah mäih ah khaw cu Bawipa ah hmuh hmat nak awn be khai.

SAM 124:1

Mikmi täng ah Bawipa kä a om läi ung? Israel gu m’shan vä!

MAKUH 3:25

Kyong khui ät ung chang gui ami m’lung ngaih ng’pai sei ami küüt-neet ung ami kyong khui cu ng’pai yawp khai nei.