SAM 132:5 - Cho Bible Common Language 2016

⁵ Bawipa ah hmawk ah hmun, Jakob ah m’gäi ciah Khanpughi ah hmawk ah im, kä ka hmuh pha ah chuih cun ah ka om khai.”

SAM 132:5 Referans Kwoze

EPHESIAN 2:22

Nangmi cun phi, Bawi Khrit ung kawng ät nak awn, chang khui hei gui awn a täng ah cawhkyan nak nami gah pyi ci kya ne, Mumcha awn Khanpughi ah om nak ah hmun ah nami kya lawk ci.

2 SHONTÄP NAK 2:6

Akcang ah Khanpughi ah Taigüim cu a u naw kä co hning ci, ng’shawng aih ciah khankho avan phi Khanpughi ah ng’lawk nak vai ah kä kyak ci. Kei naw Khanpughi ah ma ah tui ng’ui m’khih nak vai ah hmun ah kyak ciah Taigüim ah kawn ah a i im cu kei naw ka co hlawt khai yaw?

1 SHONTÄP NAK 22:7

David naw ani am, “Ka htapa aw, kei naw Bawipa ka Khanpughi m’tamkhah nak ah Taigüim ka co hlük ci nei.

ISAIAH 66:1

Bawipa naw pyen ci, “Khan kho cu ka mang kiang ah kya ne khomdek cu ka kho ne’leh nak ah kyak ci. Kei ah phäh ah a i ah mäih im nami co khai ang, a i ah mäih hmun ung kei ka om khai ang?

1 SHONTÄP NAK 15:12

Ani naw Levit gui am, “Nangmi cu Levit pahta ung angvaihta gui ah nami kyak ci. Nami mät la nami Levit paw gui cu nami theingthap sak gui vai, cun ung ngami naw Bawipa Israel Khanpughi ah Thukhän M’küm cu, kei naw ka pyan nak ah hmun ung nami hteh püi hning khai.

1 SHONTÄP NAK 15:3

Cun ah kyasei David naw Israel chang avan cu Jerusalem ung ng’bum sak gui ne, ani naw tha nak vai ah a pyan ah hmun ung Thukhän M’küm cu tha vai ah pawng ci.

1 GHANGPUGHANG GUI 8:27

“O Khanpughi, khomdek khan ah akcang ah na om hning ci ang? Khankho avan phi nang naw nak pan hmuh vai ah kä ng’shawng ci nei, cun ah kya ne, kei naw ka cawh vai ah shin ah Taigüim cu a i ah ang shawng vai ang?

2 SAMUEL 6:17

Ngami naw Thukhän M’küm cu law püi u ne, David naw tha nak vai ah a cawh ah phung, amät ah hmun ung tha ci gui. Cun kawn ah ani naw khawihnah nak la khawtsheng-douthak nak cu Bawipa am pek ci.

2 SAMUEL 7:1

Ghangpughang David cu amang im ung om sei, Bawipa naw aga avan ung gung ci.

1 GHANGPUGHANG GUI 8:17

Solomon naw k’täi ne pyen ne, “Israel gui ah Khanpughi Bawipa khawihnah nak vai ah kapa David naw Taigüim cawh vai ah pawngpüi ci,

1 SHONTÄP NAK 28:2

David naw ami ma ah ng’düi neta ng’thu a pyen cu: “Kei ah ka khaw chang gui, na ng’ngai vä. Kei naw Bawipa mi Khanpughi naw a khaw ataih nak ah kiah ciah Thukhän m’küm angtäi sei tha nak vai ah im cu ka co hlük ci nei. Kei naw ani m’tamkhah nak vai ah Taigüim cawh vai ah ka pawmhtein pyi ci nei,