SAM 131:1 - Cho Bible Common Language 2016

¹ Bawipa, chang ah ka ng’shei nak cu ka nawng ci, chang yawshe nak phi ka ng’hlah tak ci. A tung khak ah phi kä ka kyak ci, khüikha nak gui vai phi kä ka yum ci.

SAM 131:1 Referans Kwoze

ROMAN 12:16

Tumat la tumat nami ng’hteinghtang tu vai, kä nami m’ghäm’ce vai, yawken ciah bi phi nami bi vai, nami mät naw nami mät, nami hmuhmat aih ciah kä nami ngaih vai.

SAM 139:6

Na hmuhmat nak cu kei ah hmawk ah thuuk aih ci nei; kei naw kä ka hmat hlawt ci nei.

JOB 42:3

Kei cu a i kä hmat ciah kya lang ä sei, a i ah kyasei nang ah cüivai nak käng ngaih gep ne ka ng’shi ca ah mawng cu na na ng’shi ci. Kei naw kä ka hmat gui ah amawng la ka hmuhmat nak naw kä ak pha ah cäicat gui vai ah amawng cu ka pyen tuk ci nei.

JEREMIAH 45:5

Nami mät naw nami mät aktung ah bi nak cu nami shui ne ma? Kä nami ci vai. Kei naw hnicim chang avan ah khan ah leigai ka law püi ci, cun ung phi nangmi nami ghin nak läi cu a hawi nami hteh ung phi phyawng khai. Kei, Bawipa naw ka pyen ci.

SAM 101:5

Chang tumat mat akshe ah m’thüi nak ciah chang cu, kei naw ka nawng khai; chang ah ng’shei ne, chang yaw k’she nak cicu kä ka hnim gei khai.

SAM 124:1

Mikmi täng ah Bawipa kä a om läi ung? Israel gu m’shan vä!

SAM 122:1

Ngami naw, “Bawipa ah im ah mi hteit khai nei” ami ci ung, kei ka yei ci.

KHEI NAK 12:3

(Moses cu m’lung neim ciah chang, khomdek khan chang avan ung m’lung neim pi ci) cik ci.

MATTHE 11:29

Kei ah ka kawh cu kawt ne, kei ah ng’thei law vä, Nangmi cu hüiyang nak nami hmuk khai.

SAM 133:1

Khanpughi ah chang gui m’lung ngaih ät sei atäng ah om cu, cäicat aih vai, yeikyai aih vai kyak ci nei!

1 SAMUEL 18:23

Cun ah kyasei ngami naw acun ah David am m’thein ci gui, David naw, “Ghangpughang ah a kawi ah kyak vai cu dämduh ciah m’taam nak ah kyak ci nei, dukhaih ne pyamtham ciah kei ah mäih ah phäh ah dämduh aih ci nei” cik ci.

1 SAMUEL 16:22

Cun kawn ah Saul naw Jesse am ng’thu m’khäh ci, “David cu ka yum ci. A shia ah om ne, ka bi bi tu sä” cik ci.

1 SAMUEL 16:18

Acun ung om ci gui ung ka tumat naw, “Bethlehem ah ka Jesse ung akni ah tumkhawng thei ciah a hta pami om ci. Ani cu ng’phet ne, kyom ci, gakap ni ah kyak ci, thu m’gawng thei ciah kyak ci. Ani cu Bawipa naw om püi ci.

1 SAMUEL 16:13

Samuela naw olive-situi cu la neta, David cu aphäi gui ah ma ung phyuh theh ci. Ang ghit ah Bawipa ah mümcha naw David cu k’pang ci, cu hnüüp ung tüi ne ani cu om püi ci. Cun kawn ah Samuel cu Ramah ah hteit ba ci.

THULÄÄN NAK 17:20

A shin cu, ani cu Israel paw gui ah ta bä tuba ciah a ngaih nak la a i ung phi, Bawipa ah thukhän kä a läk nak hning cu k’pan pek khai. Cun ung ani naw khokum akda uk khai, a htangshon gui naw Israel khaw cu ng’shon akda ung uk khai gui.

ROMAN 11:33

Khanpughi ah bämang nak cu hlüngtai aih ci nei! Khanpughi ah lu ng’lang nak la hmuhmat nak cu thuuk aih ci nei! Khanpughi naw m’hnüt ne ak bäi cu a u naw a cangkha a m’dang hning khai ang! Khanpughi ah bilawh mawnglam cu a u naw shüm hmat hlawt khai ang!

LAMKTU 20:19

Kei cu Judah chang gui ah shedam nak awn yaica nak ka gawk yah ung ka ng’phli tui kya law sei phi kam lung neim sak ne, Khanpughi ah changshäm ah kya ne a bi cu kabik ci.

JEREMIAH 17:16

Cun ung phi, Bawipa, nang naw ngami ah khan ah leigai na law püi vai ah kei naw kä ka ning bi sak phung ci nei; ngami ah khan ah khüikha nak agawk vai ah kei naw kä ka ng’ya hlük ci nei. Bawipa, nang naw shin cu na hmat ci.

1 SAMUEL 17:15

apa ah htome gui shäm khai ah, David cu Bethlehem ah hteit ba ci.

1 THESSALONIAN 2:10

Nangmi cu keimi ah saksi ah nami kyak ci, Khanpughi phi saksi ah kiak ci; a i ah kyasei ci ung keimi cu yum nak om ciah nangmi awn mi ng’hmuhteng nak ung shetkat nak kä om ne ci cim nak la düng nak om ci.

2 SAMUEL 6:22

Kei cu ng’lam ne Bawipa ka m’tam khah lä khai, kei ka mät cu ka gu law pi khai nei. Nang naw kei cu a kholä ah na na ngai khai, cun ung phi cun ah hnumi hta gui naw ak hlüngtai ah na ngai khai gui!” cik ci.

NG'THU K'THUUK~ 21:4

Chang shekha gui cu chang om nak la yoshe nak naw k’pang gui ci. Cun cu katnak ah kyak ci.