SAM 13:3 - Cho Bible Common Language 2016

³ O Bawipa ka Khanpughi, na teng ä, na m’shang ä. Ka tha gui na be ba sak ä, kä na sih en sak ä.

SAM 13:3 Referans Kwoze

EZRA 9:8

Tuhbäi akhin aktawi ung, O Bawipa, Kami Khnapughi, nang cu keimi ah khan ah na bä ci nei. Keimi amshah cu khlei htein ungka na nak phyawn sak gui ci. Shin ah theingcim ciah hmun ung phyawng ne na na om sak gui ci. Nang naw khleihtein ungka nak phyawn gui ne, ghin nak ak thai na na pe gui ci.

SAM 18:28

O Bawipa, nang naw akdei na na pek ci, Ka hmüp nak cu na dei sak ci.

JEREMIAH 51:39

Ngami cu ei aw hlü aih u ne ang? Kei naw ngami ah phäh ah ei pawi pyang pe gui ne, awk sak gui ne ka yei sak gui khai. Ngami cu ip u ne kä ng’shüm law bap hung khai gui.

SAM 5:1

Ka ng’thu cu na ngaih pe ä, O Bawipa, Ka ng’hui cu na ng’yak pe ä.

1 SAMUEL 14:29

Jonathan naw, “Mi chang gui ah khan ah kapa naw, a i ah kyasei kyih aih vai cu abi ang! Khoitui ei ne a i hlawk ah ka cüngkhüi cu na teng vä!

1 SAMUEL 14:27

Cun ung phi apa naw chang gui ung taam nak abi cu Jonathan naw kä ng’ya tuk ci. Cun ah kyasei ani naw akawh ah htung awn khoi phiai tawk neta, khoitui cu ei ci. Acun vai am ani cu cüngkhüi ne theek ci.

EPHESIAN 5:14

Cun ah dang law ci phung phung cu akdei ah kya lawk ci nei. Cun ah kyasei cacim theing ung; “Ip ci gui let law vä, Sih nak ungka tho law vä, Nami khan ah Bawi Khrit ng’shü lawk khai nei” ciah om ci.

NG’ÄI KYAH 5:1

O Bawipa, na shüm gui ä, a i nei keimi ah khan ah agawk law. Na teng gui ne, kami thui ng’a nak na hmu gui ä.

JEREMIAH 51:57

Kei naw ami uk tu gui — cüivai chang gui, ami ng’vai gui, gakap gui cu awktat khai gui ah ka ci gui khai. Ngami cu hteit ne ip u ne kä ng’shüm law ba khai gui. Kei, ghangpughang naw ka pyen nei; kei cu m’gäi ciah Bawipa nei.

SAM 119:153

Ka geinvai nak cu teng ne, na hun ä, A i ah kyasei ci ung, kei naw na thukhän cu kä ka nawng ci.

SAM 31:7

Ng’täi ciah m’hni nak ah hmawk ah kei cu ka yeikyai khai nei. Kei ah ka yaica cu nang naw na hmuk ci, kei ah ka khüikha cu nang naw na hmat ci.

SAM 25:19

Ka gaa a da aih cu na hmuh peä; a i hlawk ah ami na gen cu na hmat peä.

SAM 9:13

O Bawipa, na chimgein ä! Ka ga gui naw nak shekha na u sei, ka geinvai cu na teng ä! O Bawipa, sih nak ung nak phyawn ä!

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

LUKA 2:32

Na ng’yak hlü dang sak ciah akdei cu chang hei gui ah hmawk ah ak khang vai la; na chang gui Israel chang gui ah bämang nak a gawk law ah hmawk ah kyak ci” cik ci.