SAM 129:5 - Cho Bible Common Language 2016

⁵ Zion mang gaw thüi nak ciah chang phung cu, tuh ne k’täm gui u sä.

SAM 129:5 Referans Kwoze

ISAIAH 37:35

Kei naw shin ah mang gaw cu shungvong ne ka ngäng khai, cun cu kamät m’tamkhah vai ah hmawk la ka chang shäin David ung shaika tak ah hmawk ah kyak ci.”

SAM 71:13

Kei na ng’tuk püi ciah chang gui cu shum ne di u sä. Kei tha na ne na däät ciah chang gui cu, lü ng’a ne thui hmai u sä.

ZEKHARIAH 12:3

Cun ah khin a gawk law ung Jerusalem cu, lung k’song ah ka pyang khai — acun ah lung sawchang ciah chang phung cu geih geep khai. Khomdek khan ung pakhui avan cu ani tuk vai ah ng’chum lawk khai gui.

MIKHAH 4:11

Chang pakhui akda naw ng’lung na ne ning tu gui khai. Ngami naw, “Jerusalem cu m’di vai nei! Shin ah mang gaw ah di cu mi hmuk khai nei!” cik khai gui.

ISAIAH 10:12

Cun ung phi Bawipa naw a pyen cu, “Kei naw Zion M’htung la Jerusalem ah khan ah ka bi cu ang pyi ah a kyak ung, kei naw Assiria ghangpughang cu a khähghah nak avan la chang ah ang shei nak avan ah phäh ah ka m’kyuk khai nei” cik ci.

ESTA 6:13

Ani naw amawng ama avan cu a chu la a teihpüi gui am m’thein tu gui ci. A chu la cüivai ciah a teihpüi gui naw, “Nang ah huham cu tün ne, Mordekai ah kaa ah gawk pyi ci nei. Ani cu Jew ah kyak ci, nang naw kä na näng hlawt khai. Ani naw akcang ah ning näng khai nei” cik ci gui.

1 KORIN 16:22

A u chang phi Bawipa kä m’hni ci phung cu — kyuk sä! Marana tha — Kami Bawipa Kyum law ä!

ZEKHARIAH 12:6

“Cun ah a khin ung Judah pakhui cu bung ah mei ah mäih, lai htang gong chawng ui ciah mei ah mäih ah ka pyang khai — cun naw a pei ng’leng ah pakhui gui avan cu m’di khai. Jerusalem chang gui cu mang gaw kyong ah phyawng ne om khai gui.

ISAIAH 37:22

Bawipa naw pyen ci, “Sennacherib aw, Jerusalem mang gaw naw ning gaih tuk ci nei, ning päipih ci nei.

SAM 122:6

Jerusalem ah dimdeeih nak vai ah taigü vä: Nang ning m’hni ci gui cu bämang u sä.

ESTA 9:5

Cun ah kyasei Jew gui naw ami ga gui ah khan ung ami ng’yak hlü ah bi hning ci gui, ngami naw khim awn tu ne ngawn gui ci gui.

NEHEMIAH 6:16

Kami pei ng’leng pakhui kho gui ung ka, kami ga gui naw acun ah mawng am hteihtang nak awn bii bi ang pyi cu chang nü naw hmat ci gui.

SAM 40:15

Kei na gaih tuk ciah chang gui cu shuh ghawi ne, tüüp ne om u sä.

ISAIAH 29:8

Jerusalem tuk vai ah ng’bum ciah pakhui gui avan cu ei ei ne ng’mang na ne ta, ei cawi ne ng’shüm law ba ciak, cawi ciah chang ah mäih ah kyak khai gui, käcung tui gha ne sihlüne ng’zan neta, tui aw ne ng’mang na ne, a gawn ket sei ng’shüm law ba ciah chang ah mäih ah kyak khai.