SAM 129:2 - Cho Bible Common Language 2016

² “Kei ka hmaw sangung tün ne, ka ga gui naw akshe ah na dukdeiu nak ci gui, cun ung phi ngami naw kä na näng hlawt ci gui.

SAM 129:2 Referans Kwoze

MATTHE 16:18

Cun ah kyasei nang cu, “Kheng lung,” ah ming ciah “Peter” ah na kyak khai, acun ah kheng lung ah khan ah ka pum im ka k’süm khai, cun cu sihnak naw phi kä näng hlawt khai.

SAM 34:19

Changniung khüikha nak akda gawk thei ci, cun ung phi Bawipa naw avan ung hun phyawn ci;

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

SAM 125:1

Bawipa ung zumhtek ciah chang gui cu kä thüng ne, kä ng’nawn ng’heng ciah Zion m’htüngtai ah mäih ah kyak ci gui.

SAM 118:13

Kei cu a ghuih ah na buh tawn ne, na m’di u sei phi, Bawipa naw na m’htei ci.

SAM 42:1

Kigang naw tui gei tuihta ging co ne a shui ah mäih ah ka ning ging co ci nei Khanpughi aw.

JOB 5:19

Akhin päng ung ani naw nat nak päng ng ning hun khai;

PHYAWN NAK 1:11

Cun ah kyasei ngami güt ne deng ne täk ah gui khai cu Egypt gui naw tha ci gui. Israel chang gui naw Pithom la Ramesi mang gaw cu co u ne, ghangpughang ah phäh ah ei khei m’cun nak vai ah pyang ci gui.