SAM 129:1 - Cho Bible Common Language 2016

¹ Israel gui, nami ga gui naw nami hmaw yah ng tün ne a i hlawk ah ami ning dukdeiu nak gui cu pyen vä,

SAM 129:1 Referans Kwoze

SAM 124:1

Mikmi täng ah Bawipa kä a om läi ung? Israel gu m’shan vä!

HOSEA 11:1

Bawipa naw pyen ci, “Israel cu a hmaw sangung kei naw ka m’hni ci. Ka hta ah tha ne Egypt khaw ah ka, ka khü law ba ci.

JEREMIAH 2:2

Jerusalem ung chang nü am shin ah ng’thu ka ng’shäu vai ah pyen ci. “Nangmi nami hmaw yah ung a i hlawt ah nami bekhüt cu, Kei naw ka shüm ba ci, Mikmi mi ng’chungla htük yah ung a i hlawk ah nami na m’hni ci ang; Nangmi naw bung nu ah, kä geit kaw nak man ah khaw ung nami na läk ci.

ISAIAH 47:12

Phyuh phyäi, phyuh theh gui avan cu na k’pan vai; Cun gui cu nang naw na hmaw yah ung tün ne na mang ah kyak ci. A cun gui naw ning m’htei ei hman khai; A cun gui awn na ga gui na k’täm mei hning hman khai.

SAM 127:1

Khanpughi naw im kä a cawh ung, Im co ciah bi cu a kholä ah kyak ci; Khanpughi naw gaw kä a ngäng ung, Gaw ngäng ciah ngäng cu a kholä ah kyak ci.

SAM 126:1

Bawipa naw Jerusalem mang gaw ah ana law püi ba gui yah cu ng’mang vai sü ah kyak ci!

SAM 122:1

Ngami naw, “Bawipa ah im ah mi hteit khai nei” ami ci ung, kei ka yei ci.

SAM 120:1

Kei naw ka geinvai yah ung Bawipa cu ka khü ci, ani naw na m’shang ci.

SAM 125:1

Bawipa ung zumhtek ciah chang gui cu kä thüng ne, kä ng’nawn ng’heng ciah Zion m’htüngtai ah mäih ah kyak ci gui.

SUKI GUI 2:15

Ng’tuk nak ah ami hteh pang ung phiBawipa naw a pyen ah mäih ah hnu ng’tuk püi gui ci. Ngami cu ang htei ah khüikha ci gui.

PHYAWN NAK 1:22

Ak hnu ah ghangpughang naw a chang gui am, “Ng’thumkhän ne a pek gui cu, “Hebru chang gui ami hta ung pami phung cu, Nile tuinu ung nami shum vai, hnumi hta gui cu nami ghin sak gui vai” ciah kyak ci.

EZEKIEL 23:3

Ngani ani hmaw yah ung Egypt ah om ci goi, ngani cu ani hta ah ani kyak nak shum ni ne pawm zau Chang ah kya lawk ci goi.

NG’ÄI KYAH 1:3

Judah chang gui cu amgein kaa changshäm gui, im ungka ahei ah ami gawt gui ah kyak ci. Ngami cu a khohei ung om ci gui, ami mät ah hmun vai a i kä om ci Gaa gui naw ami koi gui, phiawn nak vai ah lam kä om ci.

JEREMIAH 22:21

Nami bühmang yah ung Bawipa naw ning thu püi gui ci, cun ung phi nangmi naw ma ne kä nami ngai ci. Nangmi cu nami ghin ah chuih acun ah nami kyak ci; Bawipa cu kä nami läk phung ci.

SAM 123:1

Bawipa, na uknak ah khankho ah khüt sei kei naw ka ning han dan ci nei.

SAM 121:1

Kei naw kho gui ka dan ci; Kei na m’htei khai a hawi ah ka lawk khai ang?

SAM 88:15

Kei cu ka hmaw sang ung tün ne, ka geinvai ci, ka sih nak vai ng’et ci nei; Nang ah m’kyuk nak ah phuih gih awn ka yaica ci nei.

SUKI GUI 3:8

Cun ah kyasei Bawipa naw Israel gui ah khan ah m’lungshe neta Mesopotamia ghangpughang Kushan Rishathaim ah tu ne näng sak ci, ani naw kum cheit ung uk gui ci.

HOSEA 2:15

Ani ah sapyit vong phi kei naw pe ba ne, yaica nak ah khongnawi phi ngaih u nak ah ka pyan pek khai. Ani naw acu ah na m’shang khai, ayanä ah mäih ah ani a hmaw yah, Egypt ah kaa a law ba yah ung,

1 SAMUEL 13:19

Israel gui ung m’sishep kä om ba ci, a i ah kyasei ci ung Philistin gui naw Hebrew gui cu khim la k’htei kä ami shep vai ah m’hnüt ne ami shum

SAM 128:1

Bawipa cu kyih aa ne, a ng’thumkhän ung ghing ciah chang gui cu, yeikyai nak om ci.

PHYAWN NAK 1:11

Cun ah kyasei ngami güt ne deng ne täk ah gui khai cu Egypt gui naw tha ci gui. Israel chang gui naw Pithom la Ramesi mang gaw cu co u ne, ghangpughang ah phäh ah ei khei m’cun nak vai ah pyang ci gui.