SAM 127:3 - Cho Bible Common Language 2016

³ Hta hmaw gui cu Khanpughi ah na m’cümhnah gui ah kyak ci; ngami cu hriham akcang ah kyak ci gui.

SAM 127:3 Referans Kwoze

THULÄÄN NAK 28:4

“Bawipa naw hta nau akda, geit kaw akda, sei akda, htome akda awn hriham ning pe gui khai.

1 SAMUEL 1:27

Kei naw shin ah hmaw ah phäh ah ka ng’zoi thäh ci, ani naw ka yoi thäh cu na pek ci.

ISAIAH 8:18

Shin ung kei cu Bawipa naw ana pek ah ak hmaw gui awn atäng ah ka om ci nei. M’gäi ciah Bawipa, Zien m’htung ung among kyang om ci naw, Israel chang gui am, ghing ciah thu.

ATÜNNAK 48:4

Ani naw kei am, “Kei naw nang am hta akda ka ning pek khai, cun ah kyasei na ng’shon cu pakhui akda ah kya lawk khai. Shin ah khaw cu na hta ng’shon am ka pek khai. Ngami naw ngawi yä ami khaw nak vai nei” cik ci.

ATÜNNAK 33:5

Esau naw hnumi gui la a hmaw gui cu hmu law gui neta, “Shin ah na khah püi gui cu a u gui ang?” cine ng’shik ci. Jaokb naw, “Ka bawi aw, shin ah a hmaw gui cu Khanpughi naw bä ne ana pek ah kyak ci nei” cine m’shang ci.

ATÜNNAK 1:28

Cun kawn ah Khanpughi naw phyuhtheh goi neta, “Hta nau ne ng’shonbang ne, khomdek cu be sak ne, nami näng vai nei. Nga gui avan, kha gui avan, la khomdek khan ah hang om ci phung avan nami uk vai nei.

ATÜNNAK 24:60

Rebekka cu anu pa gui naw shin ah ng’thu awn hriham pak ci gui: “Kami be aw, nang cu chang pilum ah Nu ah kya ä! Na htangshon gui naw ami ga gui ah mang gaw gui näng u sä!”

1 SHONTÄP NAK 28:5

Ani naw htapami akda na pek ci, cun gui avan ungka, ani naw Solomon cu Bawipa ah khaw ah kyak ciah Israel khaw avan uk khai ah ghü ci.

ISAIAH 13:18

Ami li la ami m’la awn ngami naw chang nong gui cu ngawn khai gui. Ngami naw ami hta hta gui phi kä chihna khai gui, ak hmaw hta gui phi kä m’gein khai gui.

ATÜNNAK 4:1

Cun kawn ah Adam cu achu Eve awn ip om ni neta Eve cu kämah lawk ci. Ani cu pamihta ah hta law sei “Khanpughi ah na m’gein nak ah kyak ci” cine a ming cu Kain ah sui ci.

THULÄÄN NAK 28:11

Bawipa naw a ning pek gui vai ah nami pupa gui ung shai atak ah khaw ung, hta nau akda, seime akda, geit kaw ak chün ning pe gui khai.

SUKI GUI 12:9

Ani ung a hta pami thum kip la a hta hnumi thum kip om ci. Ani naw a hta hnumi gui cu apa hei cei na sak gui ci, a hta gui naw ami chu nak vai ah apa hei ung ka hnumi hta htum kip lak pe gui ci. Ibzam naw Israel gui cu kum chih ung matawn gui ci,

2 SAMUEL 3:5

Ithneam, anu cu Eklah. Shin ah a htapa gui ami van cu Hebron ah ami hta nak gui ah kyak ci.

1 SHONTÄP NAK 8:40

Ulam ah hta gui cu m’gäi ciah gakap gui likap thei gui ah kyak ci gui. Ani ung a hta gui la a hta ah hta gui avan phia la hmakip lawk ci. Ak khaan ungka ming gui avan cu Benjamin pakhui ungka ah kyak ci gui.

JOB 1:2

Ani ung a hta pami chih la a hta hnumi thum om ci.