SAM 127:2 - Cho Bible Common Language 2016

² Hnun m’ghin nak vai k’tha na aih ne bi ung phi, ng’dawt ne tho ne, hnu ne ip ne kyak ung phi a kholä ah kyak ci; Bawipa naw am hni ah chang cu m’htei gui ci, ami ih yah phi m’htei gui ci.

SAM 127:2 Referans Kwoze

THUSHÄUTU 5:12

Bi bik ciah chang cu a phü ah a ei ung phi kä a ei ung phi, mü ah akni ah ip thei ci. Ng’büh mang ciah chang cu, akda tak ciah kya ne, ng’ä ai ne, kä ip hlawt ci.

SAM 4:8

Kei cu ka ng’zän law ung, ding gei sei ka ip ci; O Bawipa nang bäng naw, kümbe ciah phyawn nak, na na pek ci nei.

JOB 11:18

Nang cu na m’lung üp sei ngaih u akbe awn na om khai nei; Khanpughi naw ning shungvong ne hüiyaang nak ning pek khai.

SAM 3:5

Kei cu ng’yän ne ka ip ci, Bawipa naw amü pum na m’htei ci.

JEREMIAH 31:26

Cun ah kyasei chang gui naw pyen khai gui, ‘Kei cu ip neta, tho ne ka ng’htei cha ci!

EZEKIEL 34:25

Kei naw ngami awn thukhän ka bik khai, acun naw ami ngaih gep nak vai ah ng’kham pe gui khai. Kei naw kyihkyawk vai kyak ciah khisa gui avan khaw ungka ka k’täm gui khai, cun ung kei ah ka htome gui cu phyawng m’htein ne lolai ung lum u ne, bung hmu ah ip khai gui.

THUSHÄUTU 1:14

Shin ah ah khomdek khan ung bilawh gui nü cu kei naw ka hmuk ci nei, kei naw ka ning m’thein gui cu, cun gui avan cu akholä nei, Cun cu khokhi k’täm ne pha ah mäih ah kyak ci nei.

THUSHÄUTU 6:7

Chang tumat naw a ei vai a gah ah abi vai avan cu bik ci, cun ung phi kä ng’büh hlawt ci.

THUSHÄUTU 4:8

Shin ung amät bäng om ciah chang tumat om ci. Ani cu a hta kä om ci, a phäi nau phi kä om ci, cun ung phi ani cu ang’täi sei bi bik ci, amät ung om ciah khawh awn kä ng’büh ci. Ani naw hüithaw nak phi nawng-en ne, a u ah phäh ah shin ah k’tha na ne abi ang? Shin cu akholä ah kyak ci-cümbawng ne ghin nak ah kyak ci.

SAM 60:5

Na thagai nak awn na hun gui ne, kami taigü na m’shang gui ä, cun ah kyasei na m’hni ah chang gui cu phyawng khai gui nei.

NG'THU K'THUUK~ 10:22

Bawipa ah hriham naw bämang nak ning pek ci, Cun ah bämang nak ung thüisei nak kä ng’caw ci.