Biblia Todo Logo
Bib sou entènèt

- Piblisite -




SAM 127:1 - Cho Bible Common Language 2016

1 Khanpughi naw im kä a cawh ung, Im co ciah bi cu a kholä ah kyak ci; Khanpughi naw gaw kä a ngäng ung, Gaw ngäng ciah ngäng cu a kholä ah kyak ci.

Gade chapit la Kopi




SAM 127:1
35 Referans Kwoze  

Nangmi naw bi vai ah nami pawng pui ci, Cun ung phi nami hnun thawh nak ung Khanpughi naw ning m’shumthein gui ci.


M’shi geit ci la tui shawi cicu ak tung ah kä kyak ci, ng’lih pyo sak ciah Khanpughi cun vah ak tung ah kyak ci.


Mikmi täng ah Bawipa kä a om läi ung? Israel gu m’shan vä!


Jerusalem, na ng’vongpang ung ngäng ci gi cu tha gui nei; Ngami cu amü a hnüüp kä om düt khai gui nei. Ngami naw Bawipa am a shaitak cu m’thein tu ba ci gui, Ngami kä a m’hnih gui vai ah shüm sak gui khai.


Nang naw na hmat vai cu, Theingcim ciah a Taigüim cawh vai ah Bawipa naw nang cu ning ghü ci nei. Tuhbäi co vä, khüighat ne co vä.”


Babilonia k’paang tuk vai ah alan cu pe vä. Gaw ngäng ci gui khüighat sak vä! Ng’mah ne ng tuk khai gui tha gui vä!” cik ci. Bawipa naw Babilonia chang gui ah khan ah abi vai a pyen cu bik ci nei.


Ghangpughang David naw a hta Solomon am a pyen nak cu, “Nang cu khüi ghat ne na thamah vai nei. Bii cu na tün ge vai, a i naw phi kä ning düm en sak sä. Bawipa Khanpughi, kei naw abii ka bi naw ning om püi khai nei. Ani naw kä ning nawng khai nei, Taigüim ung nang naw bi vai cu na bi yawp güt ung ani cu nang awn a täng ah om khai nei.


Bawi Khrih cu sih nak ungka kä tho ba ciah a kyak ung, keimi ah ng’thu pyein cu akholä ah kyak ci, nangmi ah yum cun phi a kholä ah kyak ci.


Kei naw kho gui ka dan ci; Kei na m’htei khai a hawi ah ka lawk khai ang?


Bawipa, na uknak ah khankho ah khüt sei kei naw ka ning han dan ci nei.


Kei naw ka geinvai yah ung Bawipa cu ka khü ci, ani naw na m’shang ci.


Bawipa ung zumhtek ciah chang gui cu kä thüng ne, kä ng’nawn ng’heng ciah Zion m’htüngtai ah mäih ah kyak ci gui.


A cu ah ani naw ak Taigüim co ci, cun cu khankho ah a im ah mäih ah kyak ci, cun cu khomdek ah mäih ah m’düih ne, angtäi sei khän sak ci.


Ani naw pyen ci, “Kei ka chang gui ng’thu k’bäi khai gui ah, ai ng’vai gui ami van cu m’dauh ci gui nei? Ngami a i kä hmat ci gut, Ngami cu im ngäng ciah uk kä ng’nak ciah mäih ah kyak ci gui — ngami cu ng’bo düt ne, ami mang she sei om ci gui. Ngami cu ih vai m’hni aih ci gui!


Kei naw ka hmat ah a hei tumat cu, shin ah khomdek khan ung, dawng gai ciah chang päng angtäi sei dawng kä näng ci, m’gäi ciah chang päng angtäi sei ng’tuk kä näng ci, cüivai ciah chang, angtäi sei kä gahtang ci, hmuhmat ciah chang päng angtäi sei kä bämang ci, m’khütnäng ciah chang päng angtäi sei bawi ah kä ngok ci. A chang päng ah khan ah akshe cu gawk law thei ci.


Bawipa naw Jerusalem mang gaw ah ana law püi ba gui yah cu ng’mang vai sü ah kyak ci!


Ngami naw, “Bawipa ah im ah mi hteit khai nei” ami ci ung, kei ka yei ci.


“Kei naw a shin cu ngäng ne, ak phlüt ah tui awn ka shawi ci. Kei naw amü ak hnüüp ka ngäng ci, cun ah kyasei a i naw, a i ah kä ci hlawt ci.


Na thumkhän nü nü m’lung kyong avan awn ng’yak nak hlü la shin ah kei naw ka pawng püi awn Taigüim cawh nak vai cu ka htapa Solomon am yuk pe law ä.”


Nangmi ah hmawk ah ka ng’ä ci nei! Nangmi ah hmawk ah ka bi gui shi a kholä düt ah kä kyai lawk khai aw?


Gaw ngäng ci gui naw mang gaw kiawn u ne, kei cu na hmuk ci gui; ngami naw na tuthat ne na kalu nak ci gui; Mang gawpang ung om ciah gaw ngäng gui naw ka lukhu cu k’teek ci gui.


Mang gaw ngäng gui ng’hleh ci gui naw kei cu na hmuk ci gui. Kei naw, “Kei ah ka m’hni ah chang cu nami hmu ne ang?” cine ka ng’shi gui ci.


Mang gaw akit päng ung ng’gäi ne a kyak cu ng’shä chang tumat ci naw law gäk gäk ne Babilonia ghangpughang am m’thein lawk ci gui.


O Khanpughi, na düng nak awn am khoicha thei vai ah ghangpughang cu m’theithang ä; Na mät ah düng nak cu m’shumphyuk ä,


Bühmang law nak vai ah hriham ning pe gui ci cu, Bawipa nami Khanpughi ah kyak ci, cicu nami shüm ba vai. Ani naw shin ah bii bik ci, a i ah kyasei ci ung ani naw nami pupa gui ung abi ah thukhän cu tuhngawi güt ung abekhüt ah hmawk ah kyak ci.


A cu mü Israel chang gui naw khaw däät khai ah ami law cu, Jerikho ghangpughang naw ng’ya neta,


Bawipa naw a shaitak cu k’pang ne Solomon am cüivai nak cu pek ci. Hiram la Solomon ah ng’lak ung dimdeeih nak om sei, ngani cu tumat la tumat sumlei ci goi.


Swiv nou:

Piblisite


Piblisite