SAM 126:2 - Cho Bible Common Language 2016

² Mikmi cu a i hlawk ah mi gaih ne, a i hlawk ah yei ne ng’äi mi m’cu ci ang? Chang khuihei gi naw mikmi ah mawng pyen u ne, “Bawipa naw ngami ah hmawk ah a küikyang ah bi bik ci nei” cik ci gui.

SAM 126:2 Referans Kwoze

JOB 8:21

Ani naw gaih ne m’lau nak vai ah akhin ning pe ba gui khai,

ISAIAH 35:10

Ngami cu yeikyai nak awn Jerusalem ah gawk khai gui, Ng’äi m’cu ne, yei ne m’lau khai gui. Ngami cu angtäi sei yeikyai khai gui, Thüisei omdam nak phiawn nak khai gui.

SAM 71:19

Khanpughi, na düng nak naw kho mik pha ci, a küikyang bi na bi pyi ci; nang ah mäih a u kä om ci.

JEREMIAH 33:11

Zeikiai nak, hüithaw nak, hta m’um pawi ung yeikyai nak gui nami ng’zaba khai. Chang gui naw m’hlüngtai douthak nak kei ah Taigüim ah law püi ne ng’äi ami m’cu cu nami ng’yak khai; Ngami naw pyen khai gui, ‘M’gäi ciah Bawipa cu m’hlüngtai vä, a i ah kyasei ci ung ani cu nik ci, am hni nak cu ng’langtäi ci.’ Kei naw shin ah khaw cu a cau kaa ah mäih ah bühmang khai ah ka pyang khai, kei, Bawipa naw ka pyen nei.

SAM 53:6

Israel gui ah näng nak cu Zion khaw ungka gawk lawk khai nei. Khanpughi naw a bä mang ba sak gui ung, Israel chang gui cu a i hlawk ah yeikyai khai gui aw!

NEHEMIAH 6:16

Kami pei ng’leng pakhui kho gui ung ka, kami ga gui naw acun ah mawng am hteihtang nak awn bii bi ang pyi cu chang nü naw hmat ci gui.

ROMAN 11:15

Khanpughi naw ngami cu a nawng gui yah ung, hnicim chang gui cu, a gaa ah ami kyak nak ungka naw a teihpüi ah ng’thon sak gui yawp ci. Cun ah kya sei Jew chang gui cu Khanpughi naw a dou ba gui yah ung a i ah mäih ah kyak khai ang! Ak si gui ghin sak gui ah mäih ah cäicat vai ah kyak khai nei.

SAM 51:14

O Khanpughi, ka ghin nak cu na pyang pe ne, na hun ä, kei naw yeikyai ne nang düng nak ka shüm khai nei.

SAM 14:7

Näng nak cu Zion m’htung ungka Israel gui ung gawk law khai, ciah ka taigü ci. Bawipa naw ang bühmang law ba sak gui ung, Israel chang gui cu ang htei ah yeikyai khai gui nei.

EZRA 3:11

Ngami naw Bawipa m’hlüngtai nak ng’äi m’cu u ne, leng ba ba ne m’cu ci gui. Bawipa cu nik ci, ani naw Israel gui am hni nak cu khongtäi ci nei. Chang päng naw aktha avan la ne Bawipa cu m’hlüngtai ne m’lau ci gui. A i ah kyasei ci ung Taigüim ang nei cu tün ne m’düih ne bi pyi ah kyak ci.

KHEI NAK 23:23

Ngami pluh sheh nak vai, cunkce a i kä om ci. Cun cu Israel pakhui ung hnungtuk ne mang ne kä gah nei. Tuhbäi chang gui naw Israel gui ah mawng cu ‘Khanpughi naw abi cu teng nei,’ cine pyen khai gui.

ISAIAH 51:11

Nang naw na gun gui ah chang gui cu yeikyai u ne, ng’äi m’cu u ne, yei ne m’lau u ne, Jerasalem ung gawk lawk ci gui nei. Ngami cu angtäi sei yei kiai khai gui nei. Azä nak la thüi sei nak ung angtäi sei luat khai gui nei.

JEREMIAH 31:7

Bawipa naw pyen ci, “Pakhui gui ung akdäm pi ah kyak ciah Israel ah phäh ah yei ne ng’äi m’cu vä. M’hlüng tai nak ah ng’äi cu m’cu vä, Bawipa naw a chang gui cu hun pyi ci nei; ‘Pawih ba ci gui ami van cu gung gui pyi ci nei.

EZEKIEL 36:36

Cun kawn ah apeileng ah k’pawih ba ciah mang gaw gui naw hmat khai gui, kei, Bawipa naw dishum ciah mang gaw gui cu co ba nei, shiu ciah lolai gui cu ka geit ba ci. Kei, Bawipa naw shai ka tak ci, shin cu kei naw ka bi vai ah kyak ci — kei naw ka bik khai.”