SAM 125:1 - Cho Bible Common Language 2016

¹ Bawipa ung zumhtek ciah chang gui cu kä thüng ne, kä ng’nawn ng’heng ciah Zion m’htüngtai ah mäih ah kyak ci gui.

SAM 125:1 Referans Kwoze

SAM 62:2

Ani bäng naw na shung ne na k’phyawn ci; Ani cu ka ng’shung nak ah kyasei, Kei a i naw kä na hnim khai.

ZEKHARIAH 1:17

Khanchang naw shäu vai ah kei am ana m’thein cu, “M’gäi ciah Bawipa naw a pyen cu, a mang gaw gui cu bühmang ba khai gui, ani naw Jerusalem cu m’htei ba khai, a mang gaw cu ka nab a khai” ciah kyak ci.

SAM 34:22

Bawipa naw ak chang gui cu hun gui khai, Ani ung hteit ne ng’shung ci gui cu, ani naw piantham gui khai.

SAM 25:2

Ka Khanpughi, nang ung ka ng’ap ci nei. Thui ng’a nak ung na k’phyawn ä; Ka gaa gui naw kä na näng en u sä!

SAM 120:1

Kei naw ka geinvai yah ung Bawipa cu ka khü ci, ani naw na m’shang ci.

1 SHONTÄP NAK 5:20

Ngami naw ami Khanpughi ngaih u u ne, am hteihtang gui vai ah taigü ci gui, Khanpughi naw ami taigü ngaih pe gui ne, Hakrit gui la ami khochang gui ah khan ah näng na pe gui ci.

SAM 121:1

Kei naw kho gui ka dan ci; Kei na m’htei khai a hawi ah ka lawk khai ang?

SAM 62:6

Ani bäng naw na shung ne na hun ci; Ani cu ka ng’yii nak ah kyak ci, kei a i naw kä na hmim phung khai.

ISAIAH 12:6

Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”

SAM 122:1

Ngami naw, “Bawipa ah im ah mi hteit khai nei” ami ci ung, kei ka yei ci.

MIKHAH 4:2

ami chang gui naw, “Bawipa ah khomhtung ah mi hteit khai nei, Israel gui ah Khanpughi ah Taigü im ah. Ani naw mi bi vai angyak hlü cu na m’thei gui khai nei. Mikmi cu ani naw a ghü ah lam ung mi hteit khai nei. Bawipa ah m’thei nak cu Jerusalem ungka lawk ci, Zion ungka naw a chang gui cu ng’thu püi gui ci.”

ISAIAH 51:16

Kei naw khan khaw gui cu ka k’phiäih ci, khomdek ah ng’nei phi ka pyan ci; Jerusalem cu ka pyen nak ci, “Nang cu ka ning chang nei!” kei naw ka m’thei thang gui cu ka ning pek ci, ka kut awn ka ning shungvong ci.”

SAM 123:1

Bawipa, na uknak ah khankho ah khüt sei kei naw ka ning han dan ci nei.

SAM 27:1

Bawipa cu kei ah kak dei la kei na hun ciah kyak ci; a i phi kä ka kyih khai. Bawipa naw kyihshe nak phung ung na shung vong ci, kei a i phi kä ka kyih phung khai.

THU PHLAAN 14:1

Cun kawn ah han teng ba netah Zion khomhtung khan ah Htomehta ng’düi sei ka hmuk ci. Amät ah ming la Apa ah ming ami m’calai ung ami guk ah chang 144, 000 gui cu ani awn a täng ah om ci gui.

ZEKHARIAH 1:14

Khanchang naw M’gäi ciah Bawipa ah ng’thu ka shä vai ah ana m’thein cu, “Theingcim ciah Jerusalem ka mang gaw cu, kei naw ak thuuk ah m’hni ne ka ng’ä nak ci nei.

OBADIAH 1:21

Jerusalem ung chang m’gäi gui naw, Edom cu tu ne näng ne uk khai gui. Bawipa amät cu Ghangpughang ah kyak khai.”

SAM 25:8

A i ah kyasei ci ung Bawipa cu ng’düng ci, nik ci, Ani naw cheisho ci gui ami hteh nak vai lam m’thei gui ci.

1 PETER 1:21

Sih nak ungka thawh ba sak ne, bämang nak pek ciah Khanpughi cu ani ah ming awn nami yum ci. Cun ah kyasei nangmi cu Khanpughi ung ng’kheing ciah nami yum nak la ngaih u nak om ci.

ISAIAH 52:1

Jerusalem, na khüighat vai, na dämduh ba vai nei! Theingcim ciah khanpughi ah mang gaw, suinu na sui bei vai nei! Khui hei gui cu na m’kawt ung kä lut tu ba phung khai gui nei.

ISAIAH 51:8

Ngami cu m’kyiit ah ei ah sui ah mäih ah akholä ah kyak khai gui nei! Cun ung phi kei naw ka law püi ah humhtei nak cu khong län ung om khai nei. Kei ah ka näng nak cu akhin avan ung om khai nei.”

ISAIAH 14:32

Philistia ah ung ka mikmi ah law ba ciah ng’shä chang gui cu a i hawkcha ah mi shang gui khai aw! Mik mi naw mi m’thein gui vai cu, Bawipa naw Zion cu m’düih pyi ci nei, ani ah yaica ciah achang gui cu a cu ah phyawng gai u sei hmuh gui vai.

SAM 147:11

Ani ah lünlawi nak cu, ani m’tamkhah ciah chang la ng’täi ciah am’hni nak ung yum htek ciah chang gui ah kyak ci.

SAM 124:1

Mikmi täng ah Bawipa kä a om läi ung? Israel gu m’shan vä!

SAM 46:5

Khanpughi cu cun ah mang gaw ung om ci, cun ah gaw cu kä di phung khai; kho ngawi hta ung, ani naw law ne m’htei gui khai.

ISAIAH 51:11

Nang naw na gun gui ah chang gui cu yeikyai u ne, ng’äi m’cu u ne, yei ne m’lau u ne, Jerasalem ung gawk lawk ci gui nei. Ngami cu angtäi sei yei kiai khai gui nei. Azä nak la thüi sei nak ung angtäi sei luat khai gui nei.

2 SHONTÄP NAK 20:20

A ngawi ung khaw ngawi hta chang gui cu Tekoa ah pei khawbung ah hteit ci gui. Ngami ami tün law yah ung Jehoshaphat naw shin ah ng’thu pyen na gui ci: “Judah la Jerusalem chang gui! Nami Khanpughi Bawipa cu ngaih u vä. Nangmi khäng sei nami ng’düi khai nei. Ani ah prophet naw a ning m’thein gui päng yum vä, nami näng khai nei.”

SAM 20:8

Cun ah chang gui cu ng’neim ne kyuk khai gui, cun ung phi keimi läi cu tho ne kami düi khai.

SAM 46:6

Chang pakhui gui kyikyawk ci gui, uknak kho gui thüng kyüng ci gui; Khanpughi kho hmum sei, khomdek ng’phiüi ne long ci.

SAM 62:3

Nangmi naw a i güt chang tumat cu nami ng’tuk püi khai ang? Ani cu kiawi ciah k’pang ah mäih ah kyak ci nei.

SAM 62:7

Kei ana hun nak la ka m’taam nak cu Khanpughi ung ng’yung ci; Ani cu m’gäi ciah ka ng’yii bawi, Ani cu ka ng’yii nak ah kyak ci.

NG'THU K'THUUK~ 10:25

Pui kho akhi law ung changshe gui cu yon gui ci, Cun ung phi changnicvu angtäi sei phyawng ci.

ISAIAH 26:3

Ami ng’bünak htek sei k’pang ne nang ung ami ngaih gep ci gui am. Nang, Bawipa naw kümbe ciah dimdeeih nak na pek ci nei.

ISAIAH 26:4

Bawipa ung angtäi sei ngaih gep vä; ani naw angtäi sei na shungvong gui khai nei.