SAM 124:7 - Cho Bible Common Language 2016

⁷ Kha cuung ciah cuun ungka phyawng ciah kha ah mäih ah, mikmi cu mi phyawng ci nei. Cuun cu hnget sei, mikmi cu mi lawt ci nei!

SAM 124:7 Referans Kwoze

SAM 91:3

Ani naw ng’thup ciah kyih nak la sih natnak avan ung k’pang ne ning phyawn ci.

NG'THU K'THUUK~ 6:5

Sakap ah cuun ungka luat ciah kha ah mäih ah, kigang ah mäih ah cun ah cuun ung na luat khai.

2 TIMOTHI 2:26

Cun ung ngami cu düng nak hmu law u ne, ang yak hlü phung läk khai gui ah pha ne shum gui ciah khoshe ah kut ungka phiawng khai gui nei.

SAM 25:15

Ang täi sei a nam htei vai ah kei naw Bawipa cu, ka dan ci nei, Ani naw di nak vai ung ka na gung ci nei.

1 SAMUEL 25:29

Chang tumat mat naw, ning tu ne, a ning ngawn hlü ah a kyak ung, chang naw a khawh ni a ngäng ah mäih ah Bawipa na Khanpughi naw ning phyawn khai. Na ga gui läi cu, chang naw yaili ung lung a kah ah mäih ah Bawipa naw k’täm ne gawt gui khai.

JEREMIAH 18:22

Ami im gui tu ne phyek khai gui ah chang bum cu kä m’thein gui ah tüi law gui ä; kyi kyawk ne kyah sak gui ä. Ngami naw kei ah ng’kiak nak vai ah khui shawk u ne, ami nap ha nak vai ah cuun cuung ci gui nei.

JEREMIAH 5:26

“Ka chang gui ah ng’lung ah akshe bik ci gui phi ng’caw tuk ci gui, kha pha nak vai ah ng’vai kiung ciah ah mäih ah ngami naw ng’zän ne ngäng ci gui, cun ung phi ngami ah ami cuun cu chang pha nak vai ah kyak ci.”

2 SAMUEL 17:2

Ani bawngbai ne, ak tha aken yah ung kei naw ka tuk khai. Ani cu kyikyawk khai, ak chang gui ami van dawng yawp khai gui. Kei naw ghangpughang bäng ka ngawn khai,

1 SAMUEL 23:28

Cun ah kyasei Saul naw David a gawt cu ng’düm ne, Philistin gui tuk khai ah hteit ba ci. Cun ah kyasei cun ah hmun cu “Ng’pai nak a m’htung ah ami pyen ah kyak ci.

SAM 129:4

Cun ung phi, Bawipa, düng ciah Bawi naw, Khleihtein ungka na m’hlawt ci.”