SAM 123:2 - Cho Bible Common Language 2016

² Changshäm naw a bawi a teng ah mäih ah, changshäm hnumi naw abawinu a teng ah mäih ah, O Bawipa kami Khanpughi, Na m’gein nak kä kami hmuh pha ah chuih kami ning dan khai nei.

SAM 123:2 Referans Kwoze

SAM 25:15

Ang täi sei a nam htei vai ah kei naw Bawipa cu, ka dan ci nei, Ani naw di nak vai ung ka na gung ci nei.

ATÜNNAK 49:18

Na hun nak cu ka ging ci nei, Bawipa.

LUKA 18:1

Cun kawn ah Bawipa Jesuh naw, ang düihpüi gui-am, kä kya düt en ne angtäi ah ami taigü vai ah, m’tumtäng ne m’thei gui ci.

ATÜNNAK 32:26

Cun ah chang naw, “Khaw thai lawk ci, na chah ä, ka hteit ba khai” cik ci. Jakob naw, “Hriham kä na na pek pha ung kä ka ning chah khai nei” cik ci.

SAM 119:82

Na shaitak ka dan nak ah ka mik cüm lawk ci nei, cun sangung, “Kho i khäta na na m’htei khai ang?” cine ka ning shik ci.

JOSHUA 10:6

Kibeon chang gui naw, Kilkal phung ung om ciah Joshua am ng’thu m’khäh law u ne, “Kä na nawng en gui ä, ang ghit ah law ne na gung law gui ä! Na hun law gui ä! Khawgui khaw ung om ciah Amorit ghangpughang gui ami van ng’dawn u ne, na tu law gui ci gui nei!” cik ci gui.

JOSHUA 9:27

Acun ung ani naw khleihtein ah phi tha gui ci, ngami naw Israel chang gui ah phäh la Bawipa ah sonkyang ah phäh ah sing shui ci gui, tui than ci gui. Tuhngawi ung phi Bawipa naw khawihnah nak vai ah a ghü nak ah hmun ung ngami naw a shin ah bi cu ci lä ci gui.

JOSHUA 9:23

Shin ah nami bi ah phäh ah Khanpughi naw ning m’kyuk gui ci. Nami chang gui cu angtäi sei khleihtein ah kyak khai gui. Ka Khanpughi ah theingcim hmun ah phäh ah angtäi sei sing lak khai gui, tui than khai gui.

1 GHANGPUGHANG GUI 1:20

Bawi awi, nang ah hnün ung ngo ba khai ah ghangpughang cu na m’thein gui vai ah Israel chang avan naw ning ngäng ci gui nei.

2 SHONTÄP NAK 20:12

Nang cu kami Khanpughi ah na kyak ci nei, m’kyuk gui ä. Na tu law gui ciah gakap ak tung ah ma ah amgein kaa ah kami kyak ci nei. Keimi a i ah kami kyak vai kä kami hmat ci, cun ung phi na na m’htei gui vai ah kami ning teng ci nei.