Thawng kium ah kya ne nami hteh vai ah ka ning bi nak gui mang gaw gui ah ni nak vai, a i ah kyasei ci ung ngami ami bühmang law ung nangmi phi nami bühmang tuk khai.
Babilonia ah om ciah a chang gui a pyen nak gui cu; “Nangmi cu sih nak ung nami phyawng pyi ci! Tubäi hteit vä, kä ging en vä! Cun ung phi nangmi im awn ami ng’shawng law ung, nami Bawipa, kei cu na khaih na vä, Jerusalem cu shüm vä.
Pakhui cu m’gäi ciah kawng hlui ah mäih ah kyak ci. Ani a ih sang ung a u naw kä m’tho dat ci. Israel am hriham pek cicu hriham gah khai, Israel plah tam cicu plah tam hmuk khai.”
Mikmi cu mi phäi nau gui mi m’hni ah hmawk ah sih nak nawng shüt ne ghin nak ung mi gawk pyi ci, cicu mi hmat ci. A phäi nau käm hni ciah chang cu sih nak ah kaa ah om lä ciah kyak ci.
O Kapa! Nang cu kei awn kawng ät ci sei, kei phi nang awn ka kawng ät ah mäih ah, ngami gui cu kawng ät sak gui ä. Kei cu nang naw na na tüih law ah m’dek chang gui naw ami yum vai ah, ngami gui cu kawng ät sak gui ä.
Dimdeeih nak ah a phung ah kyak ciah Bawipa amät naw, akhin avan la a mawng ama avan ung dimdeeih nak ning pe gui sä. Bawipa naw nangmi nami van cu angtäi ah ning om püi gui sä.
Kei ah phäh ah, Bawipa naw ana taa cu, nangmi ah phäh ah kä taigü ba nak awn, ani hnu ng’tuk püi ne kei ka hma nak ah kyak ci. Acun nak vai sü ung, kei naw ka ning m’thein gui vai cu nangmi ah phäh ah nik ci la düng ci nami bi vai ah kyak ci.
Angvai gui cu Jerusalem ung om tuk ci gui, k’pawih ba ciah chang gui cu im tung gha ung ka tung ät ci, theingcim mang gaw Jerusalem ung om tuk khai ah m’shüih tawk ci gui, apawih ba gui cu a hei mang gaw gui la gawnu gui ung om tuk ci gui.
Ani naw Hathak am, Jew gui m’di gui vai ah Susa mang gaw ung ami ng’shäu ah canglep tumat phi pek ci. Mordekai naw cun cu Esther am a thak vai, amawng avan m’thein vai, ghangpughang ah hteit ne, a chang gui a chimgein gui vai ah, ang coipaa vai ah, a pyen nak vai ah k’thäh ci.
Ani naw Jerusalem kä am thawh ba pha ah chuih ngami naw kä ng’düm sak ci gui. Cun kawn ah ani naw mang gaw ah pyang sei, khomdek khan chang van naw m’hlüng tai ci gui.
Jerusalem ung lünlawi vä; ani ah hmawk ah yeikyai vä, cun ah mang gaw m’hni ci gui nami van! Ani ah hmawk ah thüi sei ci gui nami van, Tuhbäi ani awn yeikyai vä!