SAM 122:4 - Cho Bible Common Language 2016

⁴ Cun cu Israel pakhui gui ah law nak ah kyak ci. Israel pakhui gui cu a thumkhän ah mäih ah Bawipa m’hlüngtai vai ah, a cu ah lawk ci gui.

SAM 122:4 Referans Kwoze

THULÄÄN NAK 16:16

“Nami pakhui khaw ung chang avan cu Bawipa khawihnah vai ah khawihnah nak ah hmun tumat ung kum ät ung thum vei nami law vai nei. Cun gui cu Phyawn nak Pawi, Geit Khäm Pawi la Ng’yii nak Pawi ah kyak ci. A chang sing naw m’cümhnah nak tumat ci a law püi vai.

SAM 132:13

Bawipa naw Zion manggaw cu ghü pyi ci; Ani naw cun cu a im ah pyang hlük ci:

PHYAWN NAK 23:17

A kum tä sei shin ah pawi thum ung nami chang avan cu law ne, Bawipa nami na Khanpughi cu nami na khawihnah vai.

SAM 118:19

Pum im ah ng’vong m’kawt gui cu na k’hmawn pe ä; kei a cun ung lut ne Bawipa m’hlüngtai khai nei!

SAM 78:68

A cun ah hnün ung ani naw am hni pi ah Judah pakhui la Zion m’htung cu ghü ci.

THULÄÄN NAK 12:11

Ani khawihnah nak vai ah Bawipa naw hmun tumat ghü khai. Acun ah kei naw ka ning thumkhän gui a päng cu nami law püi khai. M’khih vai ah nami khawihnah nak la a hei khawihnah nak gui, bum gha bum ät la dou thak gui, Bawipa ah nami shaitak ah aktung ah m’cümhnah nak gui,

THULÄÄN NAK 12:5

Nami pakhui gui avan ah khopäng ah akpung ahBawipa naw hmun tumat cu ghü khai, acun ung chang gui naw ama ah law ne khawihnah lawk khai gui.

PHYAWN NAK 32:15

Moses cu khomhtung ungka yu kyum ba ne, vang ah vei ung thumkhän guk ah lung phe hnih cu kawt lawk ci.

PHYAWN NAK 16:34

Bawipa naw Moses am thumkhän a pek ah mäih ah Aaron naw pyang neta, thumkhän m’küm ah pei ah hmoh ci, cun cu gim ah kyak ci.

SAM 81:6

“Kei naw nami phuih gih cu ka ning lak pe gui ci; Nami kawh ah lung phi ka ning chah pe gui ci; Nami kawh ah lung phi ka ning chah pe gui ci.

SAM 100:4

M’hlüngtai nak awn a Pum im kawt ung lut vä; m’taam khah nak awn amang pang k’um ah hteit vä. Ani cu m’hlüngtai ne m’taam khah vä.