SAM 121:3 - Cho Bible Common Language 2016

³ Ani naw kä ning kyuk tän sak phung khai, Nang ning ngäng cicu angtäi sei ci m’gang ci.

SAM 121:3 Referans Kwoze

NG'THU K'THUUK~ 3:26

Bawipa naw k’pang ne ning k’phyawn gui khai, Ani naw cuun ung nami awh vai ah kä ning ci gui khai.

NG'THU K'THUUK~ 3:23

Nang cu phyawng ne na lam ung hteit ne, kä na m’thuih shawng phung khai.

1 SAMUEL 2:9

Ani naw bekhüt ciah ak chang gui ah hnun gui shungvong ci, Cun ung phi changshe gui cu hmüp khui ung maih ci gui; Chang naw amät ah k’thagui awn näng nak kä gah ci.

ISAIAH 27:3

“Kei naw a shin cu ngäng ne, ak phlüt ah tui awn ka shawi ci. Kei naw amü ak hnüüp ka ngäng ci, cun ah kyasei a i naw, a i ah kä ci hlawt ci.

SAM 91:12

Ngami naw na khaw lung naw kä ning shun vai ah ami kut tawn ning chang khai gui.

SAM 127:1

Khanpughi naw im kä a cawh ung, Im co ciah bi cu a kholä ah kyak ci; Khanpughi naw gaw kä a ngäng ung, Gaw ngäng ciah ngäng cu a kholä ah kyak ci.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

SAM 66:9

Ani naw ghin vai ah na shum gui ne, mi zu ng’kyak vai phung kä bik ci.

NG'THU K'THUUK~ 2:8

Ani naw akni ah om püi ciah chang cu ngäng ne ani ung bekhüt ciah chang ah hteh nak cu üp oi sak ci.

SAM 41:2

Ngami cu Bawipa naw shungvong gui ne, ami ghin nak pang gui khai; ani naw ami kho ung yeikyai sak gui khai. Ani naw ami ga gui ah huham ka ah kä nawng düt khai,

SAM 55:23

O Khanpughi, cun ung phi nang naw, Chang ngawn ci gui la m’gu hleei ci gui cu, ng’cim hmun ung na hteh sak gui khai, ngami cu kä chang cawih khai gui. Cun ung phi kei läi cu nang ka ning ngaih u khai nei.