SAM 12:5 - Cho Bible Common Language 2016

⁵ Bawipa naw, “Cun ung phi tuhbäi kei ka lawk khai,” A i ah kyasei ci ung, dukhaih ci gui ami shedam nak, dukdeiu ci gui ah m’lau ng’pyan ah hmawk ah kyak ci. Ngami am ami ng’yak hlü ah m’lung üp nak cu ka pe gui khai.

SAM 12:5 Referans Kwoze

SAM 34:6

Am gein kaa ci gui naw ani cu khü u sei, m’shang gui ci; Ami khüikha nak avan cu phyawn gui ci.

NG'THU K'THUUK~ 14:31

Dukhaih ciah chang shedam nak ci cu, ani tuisho ciah Khanpughi paphi ciah kyak ci. Cun ung phi dukhaih ci m’gein cicu khawihnah nak bik ciah kyak ci.

JAMES 5:4

Nangmi naw nami lo bik ciah chang gui ah ng’cheng cu kä nami pek ci nei. Ngami ah ng’cheng shan cu ngai vä! Ngami naw ng’cheng shang ne ami m’lau ah k’aw cu, a hlüngtai säih Bawipa, Khanpughi naw ng’yak ci nei.

ISAIAH 33:10

Bawipa naw chang pakhui gui pyen na gui ci, “Tuhbäi kei ka hnüntho khai nei. Kei a i hlawk ah ka huham mah cu kei naw ka m’dang khai nei.

JOB 5:15

Cun ung phi Khanpughi naw du khai ci gui cu sih nak ung hun gui ci; Ani naw pyam tham ci gui cu k’shedam nak ungka hun gui ci.

SAM 10:12

O Bawipa, cun ah changshe gui cu m’kyuk gui ä! Geinvai ci gui cu shüm ba gui ä!

JOB 5:21

Khanpughi naw ng’thushe ungka ning gung khai, dishum nak a gawk law ung ning hun khai.

ISAIAH 19:20

Cun gui cu m’gäi ciah Bawipa Egypt khaw ung amoah amwng ang dang nak ah kyak ci. Cu ah om ciah chang gui cu zawk’she na gui u sei, am hteihtang gui vai ah Bawipa khü u sei, ani naw ngami gang gui khai ah chang tumat tüi khai.

EZEKIEL 18:18

Vangtäng ah apa cu hleei ci, gut tep ci, Chang nü ah khan ah ak she bik ciah a kyak ung, ani cu amät ah bi ah hma nak awn sik ci.

THUSHÄUTU 5:8

Acoyah naw dukhaih ci shedam ah ne, taga nak la ami chaw cu ma na gui sei, nami hmuh ung kä nami cäicat vai. Bawi päng cu amät ah khan ung om ci naw shung vong ci, a cun goi cun phi ani khan ung om ciah bawi naw shungvong ba goi ci.

THUSHÄUTU 4:1

Cun kawn ah khomdek khan ung om ciah kä taga nak gui avan cu kei naw ka teng ba mä ci. Ami shedam nak gui cu thüi kyap ci gui, ngami m’htei tu gui khai a u kä om ci. Ngami m’htei gui khai a u kä om ci, a i ah kyasei ci ung, ngami shedam na gui ci gui ung huham om ci.

SAM 10:18

Nang naw gein vai ci la hmeihta gui ah kyah cu na ng’yak ci, ngami täng ah om ne na m’khoi chak khai, cun ah kyasei m’dek chang naw kyihkyawk vai ah kä yawshe na sak gui khai.

SAM 10:5

Changshe cu a päng ung näng ci Khanpughi ah ng’thumcha nak cu kä hmat hlawt ci; a ga gui phi m’lep gui ci.

SUKI GUI 10:16

Cun ah kyasei ngami naw akcho hei khanpughi gui cu nawng u ne, Bawipa cu khawihnah ci gui; cun ah kyasei, ngami ah khüikha nak cu chihna gui ci.

PHYAWN NAK 5:2

Ghangpughang naw, “Bawipa cu a u ang? A i ah kyasei ani ah ng’thu ngai ne, Israel gui ka hteh sak gui vai ang? Kei naw Bawipa cu kä ka hmat ci, Israel gui cu kä ka hteh sak gui khai nei” cik ci.

SAM 31:19

Nang ning m’taam ci gui-am na gim pek gui cu, cäicat vai ah na ni, nang ung ng’ap ci gui, a i hlawk ah na shungvong gui cu, chang avan naw hmat ci gui nei.

SAM 73:8

Ngami cu chang gaih tu u ne akshe ah pyen ci gui, Ngami cu m’gäi u ne chang shedam nak vai bäng pawngpüi ci gui.

NG'THU K'THUUK~ 18:21

Na mat ah ng’thu naw na hnun ning ngang hning ci, ka cun ung ning m’di hning ci, cun ah kyasei na ng’thu htau ah aci ah na dou thei ci.

HOSEA 7:16

Ngami naw kei na ng’hla ta u ne, a huam kä om ciah khanpughi ah hteit ci gui. Ngami cu ng’koi ciah lihtung ah mäih ah kä ngaih gep vai ah kyak ci gui. A i ah kyasei ci ung ami ng’vai gui cu m’ghämce ne ng’htau ci gui. Ngami cu ng’sai ung sik khai gui, Egypt gui naw gaih tu gui khai gui.”