SAM 12:3 - Cho Bible Common Language 2016

³ O Bawipa! Thuvi ciah m’lei cu dim sak ä. Khäh ghah ciah m’gawng cu bing sak ä,

SAM 12:3 Referans Kwoze

NG'THU K'THUUK~ 18:21

Na mat ah ng’thu naw na hnun ning ngang hning ci, ka cun ung ning m’di hning ci, cun ah kyasei na ng’thu htau ah aci ah na dou thei ci.

THU PHLAAN 13:5

Khiküi cu m’ghämce ne Khanpughi ah thang shet sak nak vai la cha phlikip-lei-goi ung uknak vai ah huham cu gah ci.

DANIEL 7:8

A ki gui cu kei kheng ne ka teng sang ung ahei ki gui ah ang lung ung a ki a läm tumat lut law sei ka hmuk ci. A cun naw om ge ciah a ki thum cu plawh ci. Cun ah ki ung chang mik gui ah mäih om ci, chang ah ng’shei ciah am gawng phi om ci.

SAM 17:10

Ngami ung chimgein nak kä om sei, m’gäi ne ng’thu ci gui.

JUDE 1:16

Cun ah chang gui cu angtäi sei nawmpang u ne, katnak phi chang am m’suh m’noh ci gui; ngami naw ami mät ah ng’yak hlü ah ak shekha cu läk ci gui; ami mät ah mawng pyein ne khäghah u ne, ami mät hmawk ah chang phi m’hlüngtai ci gui.

2 PETER 2:18

Ngahmi naw shetkat nak ungka phyawng law thai ciah chang gui cu, khähghah ne thuvi nak ah ng’thu la pumsa ah ng’yak hlü hlimtui nak gui awn k’däk ne lam hma sak gui ci gui.

MALAKHI 3:13

Bawipa naw, “Nangmi naw kei ah mawng cu akshe ah nami pyen ci, Cun ung phi nangmi naw, Nang ah mawng a i ang kami pyen?” nami cik ci.

DANIEL 7:25

Ani naw hlüngtai ciah Khanpughi cu hnung tuk püi ne ng’thu pyen ne Khanpughi ah chang gui cu, shedam na gui khai. Ami yum nak täng ung thukhän gui la pawi gui cu ani naw m’thawng pe gui khai. Khanpughi ah chang gui cu khokum thum la avang ung ani ah huham ah ka ung om khai gui.

EZEKIEL 29:3

Na pyen vai, shin cu uktu Bawipa naw Egypt ghangpughang am a pyen nak nei: Kei cu nangmi ah na ga nei, nangmi tuinu ung ng’zän ciah k’phyu k’saam gui. Nang naw Nile tuinu cu nang ah kaa, nang ah pyan ah na pyen ci.

EZEKIEL 28:9

Ngami naw nang ning ngawn khai gui ah ami law ung Khanpughi ah na kyak ciah na pyen ba khai ang? Nang cu ning ngawn ciah chang gui awn ami ng’awt law ung, nang cu hnicim ah na kyak khai, khanchang ah kä na kyak khai.

EZEKIEL 28:2

Ani naw pyen ci, “Hnicim chang, kei uktu Bawipa naw ka pyen nak cu Taia uktu am m’thein ä: Nang cu chang ah ng’shei ne, namät cu Khanpughi ah na kyak ciah na pyen ci. Tuinu ah koi ah mang kiang ung Khanpughi ah mäih ah na ngok ciah na pyen ci. Nang naw Khanpughi ah na kyak ciah na pyen ung phi, nang cu hnicim ah na kyak ci, khanchang ah kä na kyak ci.

1 SAMUEL 2:3

M’lau ne na längtang nak cu ng’düm ä; Na khähghah nak ah ng’thu cu m’dim ä. Bawipa cu hmuhmat ciah Khanpughi nei, ani naw chang gui ah bi avan m’khoi chak ci.

PHYAWN NAK 15:9

Ga naw pyen ci, “Kei naw k’täm ne ka pha gui khai; ami khawh cu k’pai pe gui ne, kei naw avan ka lak khai. Ka khim phawng neta ngami ung om ci avan ka lak khai.

ISAIAH 10:10

Cun ah uknak khaw gui m’kyuk vai ah kei naw ka kut ka shäng ci nei, ngami naw agup khawihnah ci gui, cun ah agup gui cu Jerusalem la Samaria ungka ah ta da pi ci gui nei.

JOB 32:22

A i cha ah chang m’tam vai phi kä ka hmat ci nei, A cun ah ka bi ung Khanpughi naw ang ghit ah na m’kyuk sä.

SAM 55:22

Na khüikha nak cu Bawipa ah ma ah chah ä, ani naw ning shung khai nei; düng ciah chang cu chang hei gui am kä hnim sak gui phung ci nei.

SAM 116:11

Kei cu kyih aih neta, “A u ngaih u vai kä om ci nei” ka ci ung phi.”

SAM 140:12

Bawipa, geinvai ci gui ah mawng shung ne, dukhaih ci gui ah lam na m’htei cu ka hmat ci nei.

NG'THU K'THUUK~ 26:24

Thuvi ciah chang naw a thüi nak cu kä düng ciah ng’thu ah hnu ah ng’thup ci.

ISAIAH 59:4

Nangmi cu yung ah nami hteh ung phi, taga khai ah a i kä nami bik ci. Amawngma ung nami näng vai düt ah nami hleei ci. Nangmi naw chang ah mat nak vai cu pawng püi ne nami law püi ci.

JEREMIAH 9:8

Ngami ah m’lei cu sih nak ah m’la ah mäih ah kyak ci; akphlüt ah a hleei pyen ci. Chang päng naw a impei longgi awn ng’khawt nak ng’thu pyen ci. Cun ung phi cun cu ani ah phäh ah m’hling bang ah kyak ci.

JEREMIAH 12:6

Na mätyah gui, na kyong khui chang gui phi nang ung kä bekhüt ci gui nei; Nang ning hma ne ning hnungtuk püi ci gui ung ng’dawn tuk ci gui nei. Ngami naw ng’khawt nak ah ng’thu awn ami ng’htau ung phi, kä na ngaih gep en gui vai nei.”