SAM 119:9 - Cho Bible Common Language 2016

⁹ Chang nong naw a ghin nak cu a i cha ah theingcim sak khai ang? ci ung, nang ah thumkhän läk nak awn kyak ci.

SAM 119:9 Referans Kwoze

2 TIMOTHI 2:22

Ak hmaw chang gui ah hüithaw nak cu hlawi ne, Bawipa ah m’lungtheing awn taigü ci gui awn a täng ah düngdau nak, yum nak, m’hni nak la dimdeih nak gui cu na shui vai nei.

JOSHUA 1:7

Na khüighat vai, na thamah vai, ka changshäm Moses naw a ning pek gui ah thukhän avan ng’htei khai ah na läk vai. Cun ungka api phi kä na nawng vai, cun ung na hteh nak päng ah na näng khai.

SAM 25:7

Ka nong yah ung ka cheishoh nak la ka kat kawng nak cu na m’gein ä. Ng’täi ciah na m’hni nak la nam’gein nak awn kei cu na shüm ä, Bawipa!

SAM 119:11

Na thukhän cu ka m’lung ung ka chum ci nei, Ning hnu ng’tuk püi ne katnak kä ka bik khai nei.

NG'THU K'THUUK~ 1:10

Ka hta, cheishoh ciah chang gui naw ami ning tüihtok ung kä na ng’kiaa en vai.

SAM 34:11

Hmaw chang ka teihpüi gui law vä, Na ngai law vä, Bawipa tamkhah ah mawng ka ning m’thei gui khai nei.

JOHAN 15:3

Nangmi cu kei ah m’theithang nak awn nami theing cim pyi ci.

THUSHÄUTU 11:9

Chang nong gui, nami nong yah ung hüithaw vä. Nami hmaw yah sang ung yeikyai vä. Nami bi hlü cu nami bi vai nei, nami m’lung ah ng’yak hlü cu nami läk vai nei. Cun ung phi nami bi nak phung ung Khanpughi naw ning ng’thumcha gui khai ci cu, nami shüm vai nei.

NG'THU K'THUUK~ 4:1

Ka hta gui, nami pa ah ning m’thein gui cu nami ngaih vai, nami ngaih nak vai, cun ung nangmi ung hmuhmat nak om khai.

NG'THU K'THUUK~ 1:4

Acun gui naw kä hmu ng’ya thei ciah chang cu ng’langkha khai ah pyan u ne, chang nong gui cu a i hawkcha tungpa vai cu m’thein gui ci.

NG'THU K'THUUK~ 7:7

a i kä bui awt man ciah chang nong akda ka hmuk ci. Cun ung changshe kha tumat om tuk ci.

JOB 1:5

Pawi päng ah a ngawiu ung khongawi, Joba cu ang dawt ah thou law neta, a hta gui tumat ciah phäh ah ami theingthap nak vai ah khawihnah dou thak ci ci. Ani naw ak phlüt ah cun ah abi cu a hta gui tumat mat naw kä ngaih-tüh ah Khanpughi a i ah kä sui ne akat nak vai a kyih ah phäh ah kyak ci.

LUKA 15:13

Kä shou pha sei a hta ak hmaw pi cu, apa ah khawh chaam avan yoi ne, a gah ah ngui avan hteh püi ne, a kho hei ah hteit ci. Ani cu a gawk nak ah kho ah a ngui gui cu a i baw düt ah ci ne ei mang yawp ci

2 SHONTÄP NAK 6:16

Tuhbäi, Bawipa Israel Khanpughi, kapa ung a hei shaitak na’bi phi na k’pang khai nei, nang naw na pyen nak cu, ani ah mäih ah na thukhän geing na ne ami läk ah khoi ung, ani ah htangshon tumat mat naw Israel ghangpughang ah kya ne uk khai.

JOB 13:26

Nang naw akha ah na na hnungtuk püi ci nei. Kei naw ka hmaw sang ung ka bi ah phäh ah phi kyak ci nei.

THULÄÄN NAK 17:18

Ani cu ghangpughang ah a kyak law ung Khanpughi ah thukhän gui la am theithang nak ah cauk, aphung Levit taigü gui naw ami kawh cu ku tu ne ak kawh vai.

SAM 17:4

Kei cu chang hei gui ah mäih ah akshe ah kä ka thu ci; kei naw na thumkhän cu ka ngai ci, kä chang man ah lam cu kä ka läk ci.

NG'THU K'THUUK~ 2:11

M’lung kyong la na ng’langkha nak naw ning shungvong khai.