SAM 119:88 - Cho Bible Common Language 2016

⁸⁸ Ng’täi ciah na m’hni nak cu kei ah khan ah bä ci nei, Cun ah kyasei kei naw na thukhän gui cu ka läk khai nei.

SAM 119:88 Referans Kwoze

SAM 25:10

A shaitak ngai ne, ang thukhän läk ci gui cu, bekhüt nak la m’hni nak awn lam shüm gui ci.

SAM 119:40

Na thumkhän gui cu ka läk hlük ci nei; Ghin nak akthai na pe ä, nang cu na ng’düng ci nei.

SAM 119:25

Kei cu m’vut khui ung di ne ka ng’zän ci nei; na shaitak ah mäih ah na m’tho vä.

SAM 119:159

Bawipa, na shümthein nak a i hlawk ah ka m’hni cu teng ä, Na m’hni nak cu kä thawng phung ci, cun ah kyasei, kei cu na hun ä!

SAM 119:146

Ka ning khü ci nei; Na hun ä, na thukhän cu ka k’pang khai nei.

SAM 119:2

Yeikyai nak om ci gui cu a thumkhän läk ne, am lung kyong avan awn ani yum ci gui ah kyak ci.

SAM 78:5

Ani naw Israel chang gui am thukhän pe gui ne, Jakob ah hta ng’shon phi thumkhän pe gui ci. Ami hta gui-am ang thumkhän ami m’thei vai ah ani naw mi pupa gui cu m’thein m’kan gui ci.

SAM 132:12

Na hta gui cu ka thukhän la ka pek gui ah thumkhän ung ami düng ah a kyak ung, ami hta gui cun phi, nang ah khui m’düng u ne, kho ng’län ung ghangpughang ah kyak khai gui.”

SAM 119:124

Ng’täi ciah na m’hni nak awn kei ung bi bi ne, Na thumkhän cu na m’thei ä.

SAM 119:149

Na m’hni nak cu ng’täi ci kyasei, O Bawipa, na ng’ya ä; Na m’gein nak cu na m’dang ne ka ghing nak cu na ngäng ä!