Biblia Todo Logo
Bib sou entènèt

- Piblisite -




SAM 119:86 - Cho Bible Common Language 2016

86 Na thumkhän avan cu zumhtek nak ah kyak ci nei; chang gui naw hleei ne na dukdeiu nak ci gui nei, na m’htei ä!

Gade chapit la Kopi




SAM 119:86
17 Referans Kwoze  

Kei cu ka tha ken sei ka dukhaih ci; O Khanpughi kei ah ang ghit ah law ä. Nang cu ka hun Bawi, ka Bawipa, ang ghit ah law ne na m’htei ä!


Ami gai pyen ne na gaih m’gin ne ka di vai ah, ka ga gui cu kä näng-en sak gui ä. A mawng ma a i kä om sei na thüi nak ci gui naw, ka thüi sangung kä na mik m’ghi en ah u sä.


Chang ah ng’shei ci gui cu kei ami na plahtam ah phäh ah thüi ng’a u sä; kei ka mät läi cu, na m’shümthein nak, ka ngaih nak khai nei.


O Bawipa, ka Khanpughi, na m’htei ä; ng’täi ciah na m’hni nak am na m’htei ä!


A mawng kä om ciah ami na pha nak vai cuun cung u ne, m’vam phi ak thuk ah co ci gui nei,


Cun ah kya sei thukhän cu theing cim ci, thukhän cu ng’cim ne, ng’düng ne, nik ci.


Cun ung phi Bawipa, nang cu kei awn na ng’et ci, Na thumkhän gui avan cu khäng ci.


Nang ah peit ah k’bäi nak gui cu akbä ah ni ne düng ci.


Cun ah kyasei, kei naw na m’shüm thein avan cu ka läk ci; akshe lam avan cu ka thüi nak ci.


Akni ah phäh ah akshe cu pek vai ah kya ne ang? Cun ung phi ngami naw kei ah kyak nak vai khui co ci gui nei. Nang ah a i hawkcha ah law ne, ngami ah hmawk ah ng’thu ka pyen cu shüm ba ä, cun ah kyasei nang naw m’lungshe nak awn kä na om püi gui vai nei.


Na düng nak cu kä ng’pyi hlawt khai, na thukhän cu ak phlüt ah cang khai.


Bawipa kyih aa cu nik ci, kho ng’län ung ng’täi ci. Bawipa ah ng’thumcha cu taga ci; angtäi sei vang ci.


Bawipa, na na shungshet vai ah ka lawk ci nei; ka ga gui ah kut ung na gung ä.


Ka gaa gui cu gai u ne, tha mah ci gui; Amawng kä om ciah na gen ciah chang gui cu da ci gui nei.


Swiv nou:

Piblisite


Piblisite